sh-kreu i burgjeve Artur Zoto pas më shumë se një viti fiton pafajësinë dhe nga kjo e mërkurë rikthehet në banesë. Vendimi është dhënë nga gjykata e apelit pranë krimeve të rënda e cila ka shfuqizuar dënimin e dhënë më 11 maj 2018 nga trupa gjykuese kryesuar nga Bib Ndreca. Pas lirimit të Zotot ka reaguar dhe avokati i tij Ardian Leka i cili e quan procesin ndaj klientit të tij si një mashtrim të të penduarit të drejtësisë Iliaz Labi.<br /><br />Ajo gjë nuk ka ndodhur. Thoshte që flisja në telefon me Zoton por kjo gjë nuk ka ndodhur asnjëherë. Gjykata e Shkallës së Parë u vu nën presion, Gjykata e Apelit e shqyrtoi me vëmendje. Për 2 orë do të lirohet.<br /><br />Ardian Leka, avokati i Artur Zotos<br />Artur Zoto u arrestua në shkurt 2017 me akuzën e korrupsionit dhe shpërdorimit të detyrës pasi nga hetimet e akuzës ai u dyshua se përfitoi para për tenderat e ushqimeve në burgje. Këtë akuzë Zoto e mohoi duke kërkuar lirimin nga qelia dhe për plotë 6 herë kërkesa e tij për lirim u refuzua.<br /><br />Por si u prangos Artur Zoto? Ishte dëshmia e vartësit të tij Iliaz Labi ish numri dy i burgjeve që dërgoi në arrestimin e Zotos dhe të disa biznesmenëve të dyshuar për korrupsion. Labi deklaroi para prokurores Elisabeta Imeraj se ai kishte marrë 2 milionë lekë nga tre firma konkurruese duke i ndarë paratë me eprorin e tij Artur Zoto.<br /><br />Këtë qëndrim Labi e mbajti dhe gjatë dëshmisë së tij para togave të zeza, por gjithçka e konsideruar si provë dhe dëshmi deri më tani është rrëzuar këtë të mërkurë nga apeli i krimeve. Zoto qëndroi për më shumë se 1 vit në qeli ku u dënua me 5 vite burg dhe 5 vite heqje të drejtës për të ushtruar funksione publike. Me burg u dënua dhe Iliaz Labi po për shkak të statusin të bashkëpunëtorit të drejtësisë 3 vite që ai duhet të kalonte në qeli u konvertuan në shërbim prove.
