Subscribe në Ora News këtu http://bit.ly/1s5j7UT<br />Një ditë pas arrestimeve në spitalin e Shkodrës, ka ardhur edhe reagimi i këtij institucioni që e cilëson një rast të paprecedentë arrestimin e bluzave të bardha.<br /><br />Komisioni i Spitalit i përbërë nga mjekë, infermierë dhe administrata, i janë drejtuar me një deklaratë publike prokurorisë së Shkodrës, Ministrisë së Shendetësisë dhe Urdhrit të Mjekëve ku kërkojnë lirimin e kolegëve të tyre.<br /><br />Mjekët e spitalit të Shkodrës thonë se është paralizuar puna në repartin e Kirurgjisë, duke rrezikuar dhe jeta e pacientëve të gjithë zonës së veriut.<br /><br />"Kontestojmë masën ekstreme të arrestimit të personelit të spitalit rajonal Shkodër si akt i paprecedent në gjithë historinë e këtij institucioni dhe Shërbimit Shëndetësor në Shqipëri.<br /><br /> Pa u zgjat në arsyet që prokuroria ka pasur për të marrë një akt të tillë, i kërkojmë këtij institucioni të rishikojë masat e marra për faktin se bluzat e bardha të ndaluara përfaqësojnë figura të rëndësishme në sistemin shëndetësor të Shkodrës duke mbuluar shërbime shëndetësore si hemodinamika dhe ndërhyrjet invasive për sëmundje të rënda të zemrës që rrezikojnë jetët e pacientëve si infarkti i zemrës.<br /><br />Theksojmë se që sot pacientët e qytetit të Shkodrës dhe të gjithë rajonit të veriut të Shqipërisë janë të pambuluar në shërbimin e hemodinamikës dhe të kardiologjisë. Në kushtet e mungesës së shumë mjekëve specialistë, mungesa e specialistëve të ndaluar është e pazëvendësueshme".<br /><br />Ata evidentojnë që gjithë procedura e kryerjes së tenderave për blerjen e ilaçeve kryehet përmes Ministrisë së Shëndetësisë dhe në këtë rast mjekët janë vetëm porositës të atyre medikamenteve dhe pajisjeve mjekësore.<br /><br />"Në sistemin tonë të shëndetësisë krejtësisht të vertikalizuar ku asnjë vendim financiar nuk merret pa u konsultuar me institucionin e linjës, e vëmë në dyshim protagonizimin e bluzave të bardha. Ky fakt i konsultimit me institucionin e Ministrisë theksohet dhe në deklaratën e prokurorisë".<br /><br />Personeli mjekësor i spitalit të Shkodrës paralajmëron përshkallëzim të reagimit të tyre me protesta deri tek bojkoti i punës.<br /><br />"I bëjmë me dije institucioneve të drejtuara më lart që aksioni ynë në favor të mjekëve të ndaluar do të përshkallëzohet si një masë e rëndësishmne për të ruajtur dinjitetin e figurës së mjekut tashmë të nëpërkëmbur".<br />Për më shumë lexoni në: <br />http://www.oranews.tv/article/reparti-i-kirurgjise-jashte-funksioni-spitali-shkoder-kerkon-lirimin-e-mjekeve
