http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Një rast korrupsioni në Prokurorinë e Tiranës është zbuluar pak ditë më parë nga kamerat e sigurisë së këtij institucioni.<br /><br /><br /><br />Nga përgjimet telefonike, grupi hetimor ka dyshime se prokurorit Përparim Hasa i është paguar një shumë prej 2 mijë eurosh përmes avokates Donata Lepenica me qëllim ndryshimin e akuzës për një të pandehur.<br /><br /><br /><br />Pas verifikimeve paraprake prokurori Hasa është pezulluar nga detyra me vendim të Gjykatës së Krimeve të Rënda, ndërsa është arrestuar avokatja Donata Lepenica.<br /><br /><br /><br />Sipas përgjimit telefonik, avokatja dëgjohet duke biseduar me klientin e saj dhe i ofron sigurinë e ndryshimit të akuzës, pasi çdo gjë e ka zgjidhur me prokurorin e çështjes.<br /><br /><br /><br />Nga ana tjetër, prokurori Hasa ka mohuar të jetë i përfshirë në këtë ngjarje, duke theksuar se nuk ka pasur asnjë takim me avokaten Donata Lepenica.<br /><br /><br /><br />Burime të prokurorisë së Tiranës konfirmojnë se pamjet e kamerave të sigurisë të vendosura në këtë institucion kanë fiksuar momentin kur avokatja hyn në zyrën e prokurorit dhe për këtë arsye, Krimet e Rënda prej disa ditësh kanë bllokuar serverin e kamerave të sigurisë.
