Subscribe në Ora News këtu http://bit.ly/1s5j7UT<br /><br />Tensionet kanë shoqëruar vendimin e djeshëm të kryeprokurores Arta Marku.Mësohet se gjatë pasdites së ditës së enjte, situata në Gjykatën e Krimeve të Rënda është agravuar pasi prokurorët që u proceduan pasi nuk pranuan të shqyrtonin dosjen "Shullazi", kanë shkuar në prokurori për të kërkuar sqarime nga numri një i kësaj prokurorie, Donika Prela.<br /><br />Por mësohet se kjo e fundit nuk ka pranuar ti presë, çka i ka detyruar tre nga prokurorët të hyjnë me forcë.<br /><br />Prokurorët mësohet se kanë kërkuar sqarime për vendimin e dhënë nga kryeporkurorja Arta Marku për ti proceduar ata. <br /><br />Ndërkohë që Donika Prela mësohet se ka kërkuar praninë e policisë për ti nxjerë prokurorët jashtë por policia nuk e ka bërë këtë ngjarje publike.<br /><br />Ora News mëson se prokurorët e proceduar janë duke përgatitur dy padi, një që është kallëzim penal për Arta Markun dhe Donika Prelën për urdhrin e pezullimit nga detyra dhe së dyti, ankim civil në gjykatë për pavfleshmëri absolute të urdhrit të nisjes së procedimit.<br /><br />Prokuroria mohon incidentin<br /><br />Zyrtarisht nga Krimet e Rënda thuhet se nuk ka pasur tensione fizike mes prokurorëve.<br /><br />Marku shkarkon nga detyra Sokol Stojanin<br /><br />Po kështu mësohet se prokurori Sokol Stojani është liruar nga detyra para dy ditësh, konkretisht në datën 19 shtator mbi bazë të këtij vendimi pa përcaktuar motivin.<br /><br />Stojani me detyrë kreu i Drejtorisë së Inspektimit në Prokurorinë e Përgjithshme mësohet se është liruar për arsye të tjera që nuk kanë lidhje me këtë çështje.<br /><br />Për më shumë lexoni në: http://oranews.tv/article/kunderpergjigjen-prokuroret-padi-ndaj-arta-markut-dhe-donika-preles
