Shumë pranë zonës së banuar, dhe fare pranë mjediseve të një shkolle ndodhet sheshi i depozitimit të mbetjeve urbane në qytetin e Beratit. Jashtë çdo rregulli mjedisor në këtë shesh mblidhen prej vitesh gjithë mbetjet, ku herë pas here u vihet edhe zjarri për hapjen e hapësirave të reja.<br /><br />Bashkia e ka konsideruar prej kohësh problemin më të madh mjedisor këtë të menaxhimit të mbetjeve urbane, ndërkohë që shqetësimi bëhet më i madh në kushtet ku Bashkisë i janë bashkuar me ndarjen e re administrative-terriotiale dhe disa prej ish-komunave. <br /><br />Nënkryetari i bashkisë së Beratit, Bledar Blana, pranon problemin dhe shprehet se e vetmja zgjidhje do të jetë nisja e zbatimit të projektit që parashikohet të zgjidh problemin për të pesta bashkitë dhe që do të financohet nga Qeveria Zviceriane.<br /><br />Jemi të gjithë të ndërgjegjshëm që nuk kemi raport të mirë me menaxhimin e mbetjeve. Shprehim gatishmërinë e Bashkisë për ta finalizuar këtë problem me projekte konkrete.<br /><br />Bledar Blana, nënkryetar i Bashkisë Berat<br />E njëjta situatë paraqitet thuajse dhe në të karta bashkitë e tjera të qarkut, ku mbetjet grumbullohen në vende të papërshtatshme, shpesh u vihet zjarri dhe shkaktojnë ndotje në mjedis.
