Mjekët e ndaluar për abuzime me fondet e ilaçeve në spitalin rajonal të Shkodrës janë lënë të lirë kundrejt garancisë pasurore.<br /><br />Vetëm për kardiologun Luan Dragusha gjykata ka vendosur revokim të masës së sigurisë dhe lirimin nga te gjitha akuzat.<br /><br />Tre prej tyre Përparim Çela, Karmen Kaculini dhe Juliana Zhuri janë pezulluar nga detyra që ushtronin në spitalin rajonal te Shkodrës.<br /><br />Pavarësisht kërkesës se prokurores Blerta Hamza për t?i lënë në arrest bluzat e bardha, gjyqtari Hasan Selimi vendosi lirimin e tyre.<br /><br />Në kërkim për këtë rast janë shpallur mjekët Edi Smajli dhe Dhurata Uruçi. Të gjithë këta persona akuzohen për shpërdorim detyre, pasi kanë porositur e prokuruar ilaçe dhe materiale mjekësore për kabinetin e hemodinamikës, në një sasi jashtë çdo kriteri, apo kapaciteti të spitalit rajonal të Shkodrës.<br /><br />Vlera e materialeve të porositura për vitin 2016-2017 e kalon shifrën e 570 milionë Lekëve.<br /><br />Tv Klan
