Subscribe në Ora News këtu http://bit.ly/1s5j7UT<br />Këto janë pasojat e shpërthimit të tritolit në orët e para të mëngjesit në Vlorë! Eksplozivi, që paraprakisht përllogaritet të ketë qenë rreth 150 gram ishte vendosur në derën e kësaj banesë, që rezulton në pronësi të një shtetasi të identifikuar si Jovan Çela!<br /><br />Ai jeton në katin e katërt të një pallati në lagjen "Isa Boletini" në Vlorë.<br /><br />Shpërthimi ka qenë i fortë dhe siç duket ka krijuar një gropë në shesh pushimin e pallatit, ka dëmtuar derën e blinduar të banesës së familjes Çela dhe tavanin e pallatit.<br /><br />Ngjarja u regjistrua rreth orës 03:10 minuta të mëngjesit dhe vec këtyre dëmë materiale ka shkaktuar panik mes banorëve të pallatit!<br /><br />Ekspertët e policisë kryen gjatë orëve të para të mëngjesit veprimet e para hetimore në vendngjarje dhe një burim i tha Ora News, se eksplozivi është aktivizuar me fitil.<br /><br />Autori e ka ndezur dhe më pas është larguar!<br /><br />43 vjeçari Çela gjatë dëshmisë së parë ka deklaruar se nuk ka konflikte me askënd.<br /><br />Por një burim tha se ai është person me precedentë të mëparshëm në fushën e narkotrafikut, dhe disa kohë më parë i kanë djegur edhe një automjet.<br /><br />Ndaj një prej pistave kryesore të hetimit lidhet me të shkuarën e 43 vjecarit që i vunë tritol në derë të banesës!<br /><br />Por një tjetër pistë lidhet me konkurrencën, pasi pronari i banesës rezulton pronar i një zdrukthëtarie ne Vlorë.<br /><br />Policia ka sekuestruar pamjet e kamerave të sigurisë në zonë ndërsa zyrtarisht thotë se po punohet për identifikimin e autorit dhe zbardhjen e shkaqeve të tritol-vënies.<br />Për më shumë lexoni në: <br />http://oranews.tv/article/shperthim-tritoli-ne-nje-banese-ne-vlore
