Sot pritet të jepet pretenca për Emilajno Shullazin dhe grupin e tij. Seanca është parashikuar të zhvillohet në orën 09:00 në Gjykatën e Krimeve të Rënda.<br /><br />Masa të rrepta sigurie<br /><br />Ndërkohë nga të dyja anët, forca të shumta policie kanë rrethuar këtë institucion. Në gjykata ndodhen edhe drejtues të policisë së Tiranës dhe efektivë civilë.<br /><br />Dosja futi në kaos prokurorinë e Krimeve të Rënda<br /><br />Dosja e Shullazit futi në kaos prokurorinë e Krimeve të Rënda, pasi refuzuan hedhjen e shortit për të gjykuar këtë cështje pas largimit të Elisabeta Imerajt, që u emërua drejtuese e prokurorisë në Tiranë dhe Eneid Nakucit me pretendimin se është sëmurë.<br /><br />Pak ditë më parë Prokuroria bëri të ditur se është caktuar trupa e prokurorëve për këtë çështje, por emrat ende nuk janë bërë të ditur, pasi në njoftim thuhej se do të publikohen ditën e seancës.<br /><br />Ndërkohë një ditë më parë, ambasada amerikane në Tiranë në përgjigje të Zërit të Amerikës për këtë çështje tha se ?mbështesim prokurorët e guximshëm që kërkojnë drejtësi, edhe kur ka rreziqe?.<br /><br />Refuzuan dosjen "Shullazi", Marku transferon 3 prokurorë, 7 në hetim disiplinor<br /><br />Nuk vonoi shumë reagimi i kryeprokurores Arta Marku ndaj prokurorëve të Krimeve të Rënda, të cilët refuzuan të merrnin pjesë në shortin e dosjes Shullazi.<br /><br />Pasi është vënë në dijeni për situatën nga drejtuesja e Prokurorisë së Krimeve të Rënda, Donika Prela, prokurorja e Përgjithshme ka urdhëruar dje transferimin e përkohshëm në rrethe të tre prej prokurorëve të cilët refuzuan hedhjen e shortit.<br /><br />Bëhet fjalë për prokurorët Olsian Çela që do të transferohet në Prokurorinë e Beratit, Sonila Muhametaj e cila do të transferohet në Prokurorinë e Pukës dhe Besim Hajdarmataj që do të transferohet në Prokurorinë e Pogradecit. Me lëvizjen e këtij të fundit është larguar nga prokuroria e krimeve të renda njeri prej prokuroreve qe po hetonte dosjen e ish ministrit te Brendshëm.<br /><br />Ndërsa për Përparim Kullurin, Behar Dibrën, Arenc Çelën, Edvin Kondilin, Pranvera Pustinën, Eugen Becin dhe Blerim Tominajn, kryeprokurorja Arta Marku ka kërkuar hetim disiplinor.<br />Për më shumë lexoni në: <br />http://oranews.tv/article/sot-pretenca-shullazin-pritet-publikimi-i-emrave-te-prokuroreve
