Subscribe në Ora News këtu http://bit.ly/1s5j7UT<br />Në vijim të zbatimit të planit të masave për "Kontrollin e territorit, parandalimin e ngjarjeve kriminale dhe kapjen e autorëve të ndryshëm të veprave penale", gjatë mbrëmjes së djeshme Strukturat e Drejtorisë Vendore të Policisë Fier të mbështetura nga FNSH Fier kanë kryer kontrolle të befasishme në qytetin e Lushnjes.<br /><br />Nga kontrollet e ushtruara në lokalet e natës, u godit një rast i shpërndarjes së drogave të forta.<br /><br />U sekuestruan 12 doza me lëndë narkotike Kokainë, arrestohet në flagrancë pronari i lokalit.<br /><br />Gjatë kontrolleve në lokalet e natës nga FNSH dhe policia lokale u shoqëruan për verifikim 12 persona.<br /><br />Në vijim të punës për kapjen e personave në kërkim, të atyre që qarkullojnë me armë zjarri apo që tentojnë të shpërndajnë lëndë narkotike, u bë i mundur arrestimi në flagrancë i shtetasit:<br /><br />?Redjon Caushi, 24 vjeç, banues në Lushnje.<br /><br />Arrestimi i këtij shtetasi u bë pasi në lokalin "Bar lloto" në pronësi të tij në qytetin e Lushnjes, u gjetën të fshehura në një vend të përshtatur në mur 12 doza lëndë narkotike të dyshuara Kokainë.<br /><br />Në cilësinë e provës materiale u sekuestrua edhe një shkop gome i ngjashëm me atë që përdorin punonjësit e policisë.<br /><br />Në bashkëpunim me Prokurorinë e Rrethit Gjyqësor Lushnje po bëhet sekuestrimi i lokalit të përshtatur për shpërndarje të lëndëve narkotike.<br /><br />Gjithashtu u procedua penalisht në gjendje të lirë shtetasi D.M, 25 vjeç pasi gjatë kontrollit fizik ju gjetë 1 dozë me lëndë narkotike Cannabis Sativa.<br /><br />Materialeti kaluan Prokurorisë pranë Gjykatës së Shkallës së Parë Lushnje për veprën penale "Përshtatja e lokalit për përdorim droge", "Prodhimi dhe shitja e lëndëve narkotike" dhe "Prodhimi, mbajtja, blerja apo e shitja e armëve të ftohta" parashikuar nga Nenet 285/a, 283/1 dhe 279 të Kodit Penal.<br />Për më shumë lexoni në: <br />http://oranews.tv/article/sekuestrohen-12-doza-kokaine-dhe-nje-shkop-gome-arrestohet-i-riu-lushnjar
