Mbi 6500 femra në mbarë botën u bënë pjesë e një studimi për të përdorur terapinë bimore si element kyç në minimizimin e simptomave të menopauzës. Studimi i realizuar nga Qendra Mjekësore e Universitetit Erasmus në Holandë dhe Universiteti i Kembrixhit në Britani ka si mjek kryesor shqiptarin Taulant Muka.<br /><br />Në intervistën e dhënë për Report TV, mjeku tregon se studimi ka nxjerrë në pah faktin që ekstraktet bimore, kryesisht fitoestrogjenet do të ndikojnë në lehtësimin e simptomave të menopauzës, të tilla si afshet, djersitja gjatë natës, thatësira vaginale, shenja këto që paralajmërojnë fundin e epokës riprodhuese.<br /><br />?Ajo që gjetëm ishte se fitoestrogjenët mund të lehtësojnë simpotomat e menopauzës dhe kryesisht simptomat e afsheve të ngrohta që femrat ndiejnë gjatë menopauzës. Nuk pamë një efekt të tyre në djersitje gjatë natës por pamë që mund të pakësonin dhe tharjen vaginale.?<br /><br />Taulant Muka, mjek shkencëtar<br />Po përse është i rëndësishëm ky studim dhe kura për menopauzën? Mjeku shkencëtar Taulant Muka bën me dije se periudha e menopauzës për femrat ka rrezikshmëri për sëmundje të shumta, pasi pëson disa ndryshime hormonale të cilat sjellin rreziqe shëndetësore.<br /><br />?Hormoni femëror para menopauzës është në nivele të larta dhe sygjerohet që ai është një nga elementët kryesor që mbron femrën nga shumë sëmundje. Pas menopauzës niveli i këtij hormoni ulet vazhdimisht. Kjo mund të sjellë rritje të inflamacionit, të stresit, gjë që sjell rritje të rrezikut për diabet, zemër apo edhe sëmundje kancerogjene?.<br /><br />Taulant Muka, mjek shkencëtar<br /><br />Por mjeku thekson se edhe përdorimi i fitoestrogjenëve duhet të bëhet me kujdes, pasi nuk ka të dhëna që tregojnë se janë të shoqëruara me efekte anësore dhe nëse bëhet përdorimi i tyre të konsultohen me mjekun ose të përdorin medikamentin përmes ushqimit, gjë që ndikon në uljen e mundësisë për të pasur diabet.<br /><br />Megjithantë Taulant Muka këmbëngul se Ilaçi më i shëndetshëm për luftimin e menopauzës është një dietë e shëndetshme.
