"Ligji për mbrojtjen nga produktet e alkoolit dhe duhanit: Ndalohet shitja ose ofrimi i pijeve alkoolike falas të miturve apo konsumimi i tyre në vende publike nga të miturit. Ndalohet shitja ose furnizimi, për qëllime tregtimi, i produkteve të duhanit personave nën moshën 18 vjeç".<br /><br />Kjo është ajo çfarë ligji thotë, por ekspertët janë të mendimit se kjo pjesë nuk ka gjetur zbatim asnjë ditë të vetme.<br /><br />Duhani dhe alkooli u shitet lehtësisht, jo vetëm të rinjve, por edhe fëmijëve nga marketet dhe dyqanet në kryeqytet. Mjaftoi një provë e thjeshtë nga kamera e Televizonit Klan në një prej supermarketeve në qendër, që të faktohej se ligji shkelet nga shitësit.<br /><br />"Siç e shikoni, edhe pse ligji e ndalon shitjen e produkteve të duhanit dhe alkoolit për personat nën 18 vjeç, Koral nuk e pati fare të vështirë të blejë një paketë dhe një birrë.<br /><br />"I thashë më jep një birrë dhe një paketë. Më pyeti e do për vete? Jo i thashë për babin. M'i dha dhe i solla..", tregon Koral.<br /><br />Për ekspertët është koha që ligji të rishikohet për ta bërë atë të zbatueshëm.<br /><br />Tv Klan
