Subscribe në Ora News këtu http://bit.ly/1s5j7UT<br />Një 24 vjeçar është plagosur nga policia mbrëmjen e djeshme në zonën e njohur si Shkolla e Bashkuar në Tiranë.<br /><br />Deputeti demokrat Ervin Salianji përmes një postimi në facebook deklaron se djali pasi është qëlluar është dhunuar fizikisht nga policia dhe kjo e fundit po përpiqet ta fshehë ngjarjen.<br /><br /> "I plagosuri ndodhet në spital në shtetrrethim që policia të fshehë ngjarjen. As familjaret dhe askush nuk lejohet të takoje qytetarin, Sidian Tabaku" shkruan Salianji.<br /><br />Vetë djali në videon e postuar në facebook nga deputeti demokrat tregon se ndaj tij ëshë "qëlluar dy herë".<br /><br />Burime nga policia bëjnë me dije se "Shqiponjat" i kanë bërë thirrje të ndalonte por ky i fundit nuk ka pranuar.<br /><br />Zyrtarisht policia nuk ka dalë ende me një deklaratë lidhur me ngjarjen.<br /><br />Ndërkohë djali në një dëshmi televizive tregon se nuk i ishte ndaluar policisë pasi ishte frikësuar nga ata që po vinin drejt tij me vrull.<br /><br />"Rreth orës 23:10- 23: 20 po shkoja në drejtim të spitalit ... (spital privat) Futem tek rrugica dhe ishin dy postblloqe policie. Ata vijnë nga mbrapa. Unë u tremba dhe i jap gaz motorit dhe ata qëlluan me armë, drejt meje. Vazhdoj të eci dhe ndjej një krismë të dytë. Kur u rrëzova ata filluan të më qëllojnë"<br /><br />Kur e pyesin pse nuk ndaloi ai thotë: "U frikësova se po vinin me vrull."<br /><br />Djali tregon se ka mpiksje gjaku në kokë dhe se një plumb i ka hyrë dhe dalë nga këmba. <br /><br />Për më shumë lexoni në: <br />http://oranews.tv/article/policia-plagos-24-vjecarin-tek-shkolla-e-bashkuar
