Lideri i opozitës maqedonase, Hristijan Mickovski paralajmëroi se pas konsultimeve me grupin parlamentar do të vendosë lidhur me ofertën e Kryeministrit Zaev për zgjedhje të parakohshme parlamentare.<br /><br />Lideri i opozitës tashmë i bëri të ditur tri kushtet, pa të cilët vlerëson se zgjedhjet nuk do të jenë të rregullta.<br /><br />Kërkohet qeveri sipas ?Modelit të Përzhinës? 100 ditë para zgjedhjeve, dorëheqje të Prokurorit Publik dhe zgjedhjen e një prokurori të ri me propozim të opozitës dhe formimin e një komisioni parlamentar për referendumin.<br /><br />Pikërisht këto kushte duhet të marrin përkrahje nga organet e larta të opozitës maqedonase dhe të njëjtat duhet t?i propozohen Komitetit Qendror Partiak, mbledhja e të cilit është caktuar për nesër.<br /><br />Ndërkohë pozita dhe opozita përgënjeshtrojnë se janë duke zhvilluar bisedime sekrete për përkrahje të ndryshimeve kushtetuese.<br /><br />Përfaqësues të lartë të qeverisë në disa media kanë shpalosur qëndrimin se në partinë LSDM nuk ka disponim që të binden deputetët e opozitës të votojnë për ndryshime të Kushtetutës dhe se më i sigurtë mbetet opsioni për zgjedhje të parakohshme, për shkak se siç thuhet, kërkesat e VMRO-DPMNE-së janë të papranueshme për shkak të afateve kohore.<br /><br />Ndërkohë, burime të Klan Maqedoni nga BDI thanë se kreu i kësaj partie, Ali Ahmeti beson se ende nuk janë shteruar të gjitha mundësitë e dialogut mes mazhorancës dhe opozitës maqedonase.<br /><br />Mësohet po ashtu se ka përpjekje diplomatike për gjetjen e një zgjidhjeje kompromisi./Klan Maqedoni
