Subscribe në Ora News këtu http://bit.ly/1s5j7UT<br />59 vatra zjarresh u regjistruan gjatë muajit shtator në Bashkinë e Fierit duke djegur mbi 100 hektarë ullishte, vreshta e pyje! Pakujdesia e fermerëve që përdorin zjarret për pastrimin e tokave ishte shkaku kryesor, por nuk munguan as zjarrvëniet e qëllimshme!<br /><br />187 zjarre janë regjistruar në territorin e Bashkisë së Fierit gjatë këtij viti ku 59 vatra u shfaqën vetëm gjatë shtatorit.<br /><br />Pjesa më e madhe u shkaktuan nga pakujdesia e fermerëve për pastrimin e tokave bujqësore<br /><br />Arben Dimo: "Problematikë ka qenë muaji shtator ku janë regjistruar rreth 59 zjarre. Si pasojë e kësaj kemi zjarre në vreshtari, rreth 3 dynym vreshta të djegura, rreth 80 hektarë ullishte, rreth 25 hektarë pyje me pisha."<br /><br />10 persona janë identifikuar si shkaktarë të zjarreve që sipas Drejtorit të Shtabit të Emergjencave pranë Bashkisë Fier, Arben Dimo shkaktuan pasoja të konsiderueshme në vreshta e pyje.<br /><br />Arben Dimo: "Njerëz të papërgjegjshëm kanë ndezuar zjarret kryesisht për pastrimin e arave dhe nuk kanë arritur të parandalonin zjarrin që të merrte përmasa të mëdha."<br /><br />Por përballja me valën e zjarreve gjatë muajit shtator tregoi se Shërbimi zjarrfikës në Bashkinë e Fierit ka nevojë për investime në staf e sidomos në mjete.<br /><br />Sot Fieri ka 2 automjete zjarrfikëse të viteve 1970 që i përgjigjen territorit që kanë nën përgjegjësi.<br />Për më shumë lexoni në: <br />http://oranews.tv/article/fier-59-zjarre-vetem-ne-shtator
