Subscribe në Ora News këtu http://bit.ly/1s5j7UT<br />Faza e parë e ndërhyrjes në urën e Golikut, monument i kategorisë së parë po shkon drejt përfundimit. Këmbët e dëmtuara po përforcohen, ndërsa po devijohet lumi për të larguar rrezikun. Drejtori i Monumenteve të Kulturës në Korçë, thotë se gërmimet klandestine për flori janë një prej shkaqeve të dëmtimit.<br /><br />Ura e Golikut, Monument Kulture i kategorisë së parë po i nënshtrohet rikonstruksionit të shumë pritur për shmangien e rrezikut të shembjes.<br /><br />Drejtori i Monumenteve të Kulturës në Korçë, Gjegji Koki, thotë se në këtë fazë synohet përforcimi i këmbëve të urës dhe devijimi i rrjedhës së ujit për ta mbrojtur.<br /><br />Gjegji Koki: Në këtë fazë ëhstë duke u konsoliduar gjithë pjesa e këmbës, e cila është vendosur në shkëmb, riformulimi i gjithë pjesës së këmbës që është dëmtuar.Gjithashtu konsolidimi i gjithë këmbëve të urës dhe vendosja e elementëve pritës që do të devijojë rrjedhën e ujit, të cilat janë të zgjatura 23 metra linearë që do devijojnë rrjedhën e ujit dhe do të ruajnë këmbën e urës të paprekur nga prurjet që mund të ketë lumi Shkumbin.<br /><br />Koki thotë se gërmimet klandestine për thesare është mes shkaqeve kryesore të dëmtimit, krahas mungesës së ndërhyrjeve për vite me radhë.<br /><br />Gjegji Koki: Ura e Golikut nuk është dëmtuar vetëm si pasojë e mosndërhyrjeve restauruese në urë apo mosvëmendjes nga institucionet por është dëmtuar dhe nga dora e njeriut dhe kjo është fatkeqësia më e madhe. Klandestinë të shumtë që dëmtojnë elementët e veprave duke menduar se aty mund të ketë flori.<br /><br />Në fazën e dytë të projektit do të ndërhyhet në pjesën e sipërme të urës.<br /><br />Gjegji Koki: Kjo lloj ndërhyrje që është faza e parë i hap rrugën një faze tjetër që është restaurimi kapital i urës, restaurimi i të gjithë elementëve të parapetit të urës.<br /><br />Por veç vlerave si Monument Kulture, ura e Golikut është vetme nyje lidhëse e 4 fshatrave në zonën e Mokrës në Pogradec.<br />Për më shumë lexoni në: <br />http://oranews.tv/article/rikonstruktohet-ura-e-golikut
