Komisioni i Prokurimit Publik ka pezulluar koncesionin e kontrollit të instrumentave matës në karburante.<br /><br />Burime për Televizionin Klan bëjnë me dije se tenderi është pezulluar momentalisht, pas një kërkesë që ky komision i ka dërguar ministrisë së Financave dhe Ekonomisë dhe Agjencisë së Prokurimit Publik.<br /><br />Në kërkesë, Komisioni i Prokurimit Publik i kërkon ministrisë së Financave në rolin e Autoritetit Kontraktor që të mos kryejë asnjë veprim, pa dhënë informacione për domosdoshmërinë që këtë shërbimin duhet ta bëjë privati.<br /><br />Një javë më parë shoqata Impetus dhe kompania Penzoil Trading SA, ankimuan këtë procedurë, pasi vlerësonin kushtet e garës diskriminuese.<br /><br />Në qershor Këshilli i Ministrave miratoi një bonus me 10% të pikëve për kompaninë Noa Control, e cila ka bërë një ofertë të pakërkuar për të marrë për 20 vjet me konçesion kontrollin e pompave të karburanteve.<br /><br />Sot këtë shërbim e kryen Drejtoria e Përgjithshme e Metrologjisë kundrejt një tarife prej 7 mijë lekësh të rinj për kolaudimin e një njësie.<br /><br />Tv Klan
