Prokuroria e Krimeve të Rënda kërkon "arrest me burg" për Albert Veliun, njeriu që denoncoi publikisht se vëllai i ministrit të Brendshëm, Fatmir Xhafaj ishte i përfshirë në trafik droge.Audio-përgjimi dhe intervista e Babales u realizua nga gazetari Jetmir Olldashi dhe u publikua nga deputeti i Partisë Demokratike, Ervin Salianji.<br /><br />Report Tv mëson se e njëjta akuzë rëndon mbi kunatin e Veliut apo dëshmitarit X, i cili quhet Fredi Alizoti. Ky i fundit mësohet të jetë personi që në disa raste bën zërin e Agron Xhafajt (në rol) në përgjigjet që i jep Babales. Po ashtu mësohet se Prokuroria ka dhënë masën detyrim paraqitje për gazetarin Olldashi, që intervistoi të ashtuquajturin dëshmitari X. Ata të tre akuzohen për kallëzim të rremë.<br /><br />Report Tv mëson gjithashtu detaje nga përgjigji e ekspertizës së cilës iu nënshtrua videopërgjimi ku thuhej se vëllai i ministrit të Brendshëm Fatmir Xhafaj fliste me një ish-trafikant, Albert Veliun. Sipas ekspertizës, audiopërgjimi ku shfaqet Albert Veliu është i montuar<br /><br />?Zëri në audio-përgjim është shumë i dobët. Është e pamundur të identifikohen zërat?,0 thuhet në ekspertizën angleze.
