Subscribe në Ora News këtu http://bit.ly/1s5j7UT<br />Burgu i Reçit po pret të dënuarit e parë 3 muaj pasi ish-ambasadorja e Bashkimit Europian, Romana Vlahutin dhe ministrja e drejtësisë, Etilda Gjoni i prenë shiritin e inaugurimit.<br /><br />Prej të shtunës dhe gjatë të dielës, po kryhet transferimi i 300 të dënuarve të parë, kryesisht nga burgu i Shënkollit që pritet t?i nënshtrohet një rikonstruksioni.<br /><br />150 të dënuar janë vendosur aty të shtunën, ndërsa 150 të tjerë janë transferuar këtë të dielë nën masa të rrepta sigurie.<br /><br />Zyrtarisht as Ministria e Drejtësisë dhe as Drejtoria e Përgjithshme e Burgjeve nuk kanë dhënë detaje mbi numrin e të dënuarve që do të zhvendosen këto ditë në këtë IEVP, mbi kriteret që kanë përcaktuar dhe detaje të tjera.<br /><br />Pritet që në ditët e ardhshme të ketë një komunikim mbi këtë proçes tejet të rëndësishëm.<br /><br />Burgu i Reçit shtrihet në një sipërfaqe prej 16 hektarësh, ka një kapacitet prej rreth 800 të burgosurish dhe ka kapur vlerën e 14 milion eurove.<br /><br />Në këtë institucion për të garantuar sigurinë e të dënuarve do të kujdesen plot 324 efektivë policie.<br /><br />Ambientetet e brendshme kanë tualet privat, aspirim, kondicionim, sistem alarmi dhe deri tek pajisjet që dedektojnë dhe bllokojnë valët e telefonisë ceululare.<br /><br />Një financim ky i BE në bashkëpunim me qeverinë shqiptare dhe është i pari institucion i vuajtjes së dënimit, të sigurisë së lartë që ka të tilla parametra, të njëjta me vendet e Unionit. <br />Për më shumë lexoni në: <br />http://oranews.tv/article/burgu-i-recit-hap-qelite-vendosen-300-te-denuarit-e-pare
