Pas 10 viteve sukses, ?E Diela Shqiptare? nisi sezonin e 11-të në ekranin e Televizionit Klan.<br /><br />Jo vetëm skenografi e re, miq të rinj apo rikonceptim i rubrikave të dashura për publikun, por një transmetim maratonë me 60 minuta më shumë, që nis prej orës 12:30 deri në 19:20.<br /><br />Në këtë sezon, emocionet e forta të rubrikës ?Ka një mesazh për ty? janë zhvendosur edhe përtej studios, sëbashku me rrëfimet apo premtimet e personazheve.<br /><br />Në hapësirën e dedikuar shëndetit, rubrikës ?Ne jemi çfarë hamë? nën moderimin e dietologes së njohur Blerina Bombaj, i bashkëngjitet edhe rubrika ?Kujdes shëndetin?, me mjekë dhe specialist të ftuar, të cilët ndajnë informacione rreth sëmundjeve të ndryshme, e padyshim shumë këshilla.<br /><br />Surpriza të shumta premton këtë sezon ?Telebingo Shqiptare?, e cila bashkë me numrin e velinave ka shtuar edhe dhuratat.<br /><br />Ndërsa Rubrika ?Shihemi në gjyq? rivjen me juristen Eni Çobani, në ndihmë të shqiptarëve për të zgjidhur konfliktet mes tyre.<br /><br />Po krejtësisht e re vjen në këtë sezon ?Të së Dielës Shqiptare? një hapësirë dedikuar humorit. Aktorët Besar Kallaku, Erion Isai dhe Olsi Bylyku premtojnë të qeshura pa fund në ?BE Kafe?.<br /><br />20 vite të ?Këngës Magjike? do të vijnë me sharmin dhe elegancën e artit të vërtetë, e cila në këtë vit jubile mirëpret artistët më të mirë të të gjithë trevave shqiptare. Sigurisht edhe të rinjtë.<br /><br />Megjithë surprizat që rezervon ?E Diela Shqiptare?, edhe këtë sezon formula e suksesit mban vulën e showman-it Ardit Gjebrea.<br /><br />Tv Klan
