Duke komentuar situatën e krijuar në vend, pas Referendumit të 30 shtatorit, analisti Albert Musliu, thotë se në të dyja opsionet ? atë për ndryshimin e Kushtetutës conform Marrëveshjes së Prespës, por edhe për zgjedhjet e parakohshme ekziston, sikurse shprehet ai, një formë presioni.<br /><br />?Kemi dy pozita të cilat janë: pozita e formës së presionit.Njëra është e kryeministrit Zaev i cili thotë se nëse nuk merren vesht deri të mërkurën do shkojë në zgjedhje të parakoshme, nga pala tjetër, VMRO-ja, insiston në modelin e Përzhinës me 100 ditët e para, që nënkupton tejkalimin e afateve për implementimin e Marrëveshjes së Prespës. Ashtu që, mendoj se do ta gjejnë kompromisin ndërmjet. A do jetë kompromisi, lëshim në atë presionin të cilin e kanë deputetët e VMRO-së, lidhur me 27 prillin, ose do gjendet ndonjë zgjidhje ligjore tjetër, duhet të pritet?.<br /><br />Sipas Musliut, kompromisi mes dy palëve për votimin e ndryshimeve kushtetuese është i mundur dhe nuk është ndonjë procedure e gjatë. Nga ana tjetër, votat të cilat u deklaruan për ndryshime kushtetuese gjatë referendumit, e trimërojnë kryeministrin Zaev që të shpallë zgjedhje të parakohshme me afat të shkurtuar.<br /><br />?Realisht ka akoma shansë për kompromis, se nuk nënkupton kompromisi ndonjë procedurë të gjatë, ai nënkupton marrëveshje mes dy palëve edhe disa deputetë të opozitës ta votojnë fillimin e ndryshimeve kushtetuese, ashtu që besoj se ka akoma shansa. Por nga ana tjetër vet votat të cilat u deklaruan për ndryshime kushtetuese gjatë referendumit, që nënkupton ndryshimet kushtetuese ja jep edhe fuqinë Zaevit që të paralajmëron për disa ditë se mund ti shpallë zgjedhjet e parakohshme. Nëse ato shpallen nuk do të jenë me afat 100 ditësh, sigurisht do jenë me afate të shkurtuara?.<br /><br />Rrjedhimisht, sipas Kushtetutës afatet e shkurtuara për mbajtjen e zgjedhjeve zgjasin 45 ? 60 ditë. Gjithnjë në zbatim të afateve, zgjatja e debateve për çuarjen e vendit në zgjedhje të reja mund të shkaktojë edhe një problem tjetër ? atë të funksionimit të Komisionit Shtetëror të Zgjedhjeve, pikërisht për shkak të mandatit të tij të kufizuar./Klan Maqedoni
