Subscribe në Ora News këtu http://bit.ly/1s5j7UT<br />Kryeministri Edi Rama në mbledhjen e grupit parlamentar përdori një fjalor tepër të rëndë ndaj opozitës dhe medias të cilat sipas tij kanë ndërmarrë ofensivën e baltës dhe të shpifjes qysh se qeveria e tij erdhi në pushtet.<br /><br />Rama nënvizoi me shifra se lufta kundër krimit është forcuar gjatë qeverisjes së tij dhe se është janë pesëfishuar numri i aseteve kriminale të sekuestruara, e megjithatë me ironi Rama tha " sërish ne jemi të lidhur me krimin dhe ata duan të zgjidhin shqipërinë nga zinxhiri i krimit"<br /><br />Edi Rama: "Sot gdhihen e ngrysen klubet politike e të medias me krim e kriminelë në majë të gjuhës sikur këto nuk kanë ekzistuar më parë asnjë fjalë. Madje kaq shumë nuk i punon kujtesa dollibashësve dhe dollipritësve të atyre klubeve sa Shqipëria e 97 vrasjeve të 2012 duket sikur nuk ka ekzistuar.<br /><br />Sot që vrasjet janë përgjysmuar nuk ka pikë rëndësie ulja drastike e tyre por llafollogohet sikur vrasja njësoj si kanabisi u shfaq në Shqipëri si një nga të këqijat që solli qeveria e rilindjes.<br /><br />Thuaj sa të duash që Shqipëria që gjetëm e kishte mbi 80 mesataren e vrasjeve, sot e ka nën 50. Thuaj sa të duash që në Tiranë në 2013 u vranë 31 persona, ndërsa vjet 9 dhe sivjet 5. Thuaj sa të duash që në Shkodër mesatarja e 4 viteve ishte 15 vrasje në vit, dhe katër vitet e fundit është 8.<br /><br />Thuaj sa të duash dhe si të duash, avazi vazhdon nëpër dritaret e SHQUP: droga droga, droga, krimi, krimi, krimi dhe jehonë në mejhanet mediatike, kanal më kanal e portal më portal<br /><br />Sa më shumë përshkallëzohet lufta frontale e policisë së shtetit me krimin aq më shumë përshkallëzohet ky avaz i dëshpëruar balte dhe shpifjesh"<br /><br />Shpijet e egra dhe alucinante <br /><br />Sipas kryeministrit kjo ofensivë është përshkallëzuar dhe bërë më e madhe këto ditë ndaj ministrit të Brendshëm Fatmir Xhafaj dhe kreut të grupit parlamentar Taulant Balla<br /><br />Edi Rama: "Këtë periudhë është ndërmarrë ofensiva më e madhe e baltës ndaj policisë së shtetit, ndaj ministrave dhe deputetëve. Veten nuk po e përmend, se i bie të përmendësh litarin në shtëpinë e të varurit. Në këtë periudhë janë regjistruar dhe shpifja më e egër ndaj një ministri të Brendshëm në kohën e demokracisë dhe një shpifje alucinante e padëgjuar ndonjëherë ndaj një kryetari të grupit parlamentar. Mostruoze është shpifja ndaj ministrit. U sajua në dy skuta të shtetit mbi të cilat do të presim me durim që të hedh dritë hetimi i mëtejshëm i prokurorisë "<br /><br />Po vjen fundi i lojes<br /><br />Duke paralajmëruar Bashën se po i vjen fundi i lojës së tij i kërkon prokurorisë të çojë deri në fund hetimet.<br /><br /> Edi Rama: "PD në bashkëpunim me një trafik droge të degraduar rrugëve të Vlorës dhe ca mjeranë të tjerë bënë filmin që dihet. Një skandal i fabrikuar për vëllanë e ministrit të Brendshëm të përfshirë në një trafik droge. Një shfaqje në SHQUP. Opinioni publik u mor peng, u dhunua pa pushim, foltore më foltore, kanal më kanal, portal më portal.<br /><br />Jua kam thënë këtu, që kur plasi ai gjiriz ndyrësie politi...
