Një bisedë e përgjuar mes Albert Veliut, skafistit me nofkën Babalja dhe kunatit të tij Fredi Alizotit, është prova kryesore e Prokurorisë kundër këtyre dy personave në lidhje me akuzat për trafik droge për vëllain e ministrit të Brendshëm Fatmir Xhafaj.<br /><br />Në këtë bisedë, të dy duket se diskutojnë për të marrë një shumë prej 200, 100 apo 20 mijë Euro, nga një person që nuk e identifikojnë.<br /><br />Në bisedën e përgjuar dhe të zbardhur në dosjen e Prokurorisë, Fredi Alizoti po ashtu citohet të ketë thënë se ai kishte bërë sikur fliste në vend të "vëllait të vogël", person që Prokuroria pretendon se është Agron Xhafaj, vëllai i ministrit të Brendshëm, Fatmir Xhafaj.<br /><br />Në dosjen e Prokurorisë është edhe ekspertiza e mbërritur nga një studio në Britaninë e Madhe. Ekspertët e huaj që kanë analizuar materialet gjithsesi nuk marrin përsipër të japin verdiktin, nëse skafisti Albert Veliu bisedoi apo jo me Agron Xhafajn apo me Fredi Alizotin.<br /><br />Skafisti nga Vlora, Albert Veliu, deputeti i PD-së Ervin Salianji dhe gazetari Jetmir Olldashi janë nën akuzë për atë që prokuroria e konsideron një inskenim. Në materialet që u publikuan nga selia e PD, pretendohej se Agron Xhafaj ishte ende aktiv në trafikun e drogës nga Vlora përtej Adriatikut.
