Lufta e përgjimeve ditët e fundit e ka futur publikun në një tymnajë ku faktet nuk shquhen lehtësisht. Por kë duhet të besojnë qytetarët kur të dy partitë e mëdha flasin për konspiracion ndaj njëra-tjetrës? Report TV pyeti deputetët socialistë, të vetmit që ishin sot në ambientet e Kuvendit. Ata thonë se zëri i të vërtetës është vetëm prokuroria. <br /><br />Pyetje: Me këtë histori përgjimesh të njëpasnjëshme kë duhet të besojnë shqiptarët?<br /><br />Spartak Braho: Duhet të veprojë prokuroria dhe policia. <br /><br />Pyetje: Është e besueshme prokuroria kur opozita e anatemon?<br /><br />Spartak Braho: Prokuroria duhet të veprojë. Nuk mbahet sehir Ervin Salianji, e patë mbrëmë? Tjetër manipulim, tjetër seancë shpifjesh. <br /><br />Pyetje: Ju i besoni kryeministrit? <br /><br />Spartak Braho: Jo unë i besoj logjikës dhe faktit që institucionet duhet të veprojnë. <br /><br />Ulsi Manja: E vërteta është rendi i ditës që kemi sot në Komisionin e Ligjeve, ligji për noterinë. <br /><br />Elena Xhina: Atë që do thotë drejtësia, fjalën e fundit të saj po presim. Jemi bërë të gjithë gjyqtarë e prokurorë. Konkluzionet përfundimtare i jep gjykata jo prokuroria. <br /><br />Bledi Çuçi: Duhet të besojnë pa diskutim versionin institucional, prokurorinë. <br /><br />Pyetje: Ju mendoni se ka kredibilitet prokuroria kur gjysma e politikës opozita, e konteston? Ka njerëz që mund ta besojnë opozitën.
