Pak minuta para nisjes së miqësores së Shqipërisë me Jordaninë, në Elbasan është vënë re një interesim i ulët për të ndjekur ndeshjen në stadium. Fakti që kundërshtari është krejt i panjohur dhe rrjedhimisht pa interes bën që tifozët të mos i drejtohen biletarive, por edhe ata që ishin të interesuar janë dekurajuar nga çmimi i biletave.<br /><br />S?ka interes, ndeshje miqësore çmimet duhet të ishin më të ulëta.<br /><br /> Zyrtarisht mësohet se janë shitur rreth 1500 bileta, nga 12800 vende që ka stadiumi i Elbasanit.<br /><br />Teksa gjithçka është gati për ndeshjen trajneri Christian Panucci ka bërë publik edhe formacionin titullar ku nuk mungojnë surprizat. Formacioni është i përbërë nga futbollistët rezervë dhe ata që në skuadrat e tyre kanë patur pak minuta.<br /><br />Berisha rikthehet ne portë. Në mbrojtje është lënë në stol Hysaj dhe do të jenë të rreshtuar Lila, Gjimshiti dhe Mavraj që do të mbajë edhe shiritin e kapitenit. Binaku do të pozicionohet mes mbrojtjes dhe mesfushës.<br /><br />Në repartin që do të organizojë lojë do të jenë Xhaka, Mihaj dhe Ramadani. Gavazaj si mesfushor sulmues ndërsa në repartin ofenziv janë Grezda dhe Manaj.
