Ndërsa është zyrtarizuar nisma për mbylljen e basteve sportive pas 1 Janarit 2019, qeveria thotë se ka menduar dhe për të gjitha ata që do të ngelen të papunë pas këtij vendimi.<br /><br />?Ne jemi duke përgatitur një program rikualifikimi për të gjithë ata që do të dalin të papunë nga të gjithë shërbimet në lidhje me këtë industri. Pra Shërbimi Kombëtar i Punës, menjëherë me materializimin e propozimit të kryeministrit për mbylljen e pikave të basteve ka filluar punën për hartimin e një programi specifik për rikualifikim të detyrueshëm. Vitin tjetër ne fillojmë një fushatë të plotë rikualifikimi për të gjithë të papunët e regjistruar....Dhe ndër këta, do të dyfishojmë numrin e të kualifikuarve me profesione që nga graphic design, ku meqë platforma e punës është kompjuterike edhe tek bastet, pjesa e atyre që dalin të papunë nga bastet kanë mundësi të rikualifikohen më tej dhe të gjejnë vend punë në industritë e tjera?, tha Ahmetaj.<br /><br />Amendimi në ligjin për lojërat e fatit, i shtyrë për disa herë, socialistet thonë se vjen në këtë moment pasi më parë i pengonte aleati i tyre, Lëvizja Socialiste për Integrim.<br /><br />Në seancën e kësaj të enjteje ministri i Financave i është përgjigjur në një interpelancë interesit të deputetit Erjon Braçe për ligjshmërinë fiskale të Federatës së Futbollit. Interpelancë e cila dëshmoi një marrëdhënie aspak ?të ngrohtë? mes 2 socialisteve.<br /><br />Ministri edhe historinë e FSHF e shikon si një histori ku vlen krahasimi me qeverisjen e Berishës, ku thotë se fshehja e të ardhurave ka qenë në nivele shumë të larta.<br /><br />Ndërsa Braçe ka marrë duartrokitjet e kolegëve deputetë, fjala e tij është shoqëruar me buzëqeshjet të kolegëve ministra të Arben Ahmetaj, ç?ka ka nervozuar Bashkim Finon, kandidatin që humbi garën për kreun e FSHF-së.
