KURBIN-Policia ka bllokuar gjatë një operacioni drogë, lëndë plasëse, municione luftarake si edhe një sërë materialesh e vegla pune të ndryshme, ndërsa ka arrestuar një person, që dyshohet se i ka vjedhur në disa banesa.<br /><br />I arrestuari është Zef Marku 34 vjeç, banues në Fushë -Mamurras në Kurbin, ndërsa municionet luftarake dhe materialet e ndryshme që dyshohet se i ka vjedhur i janë gjetur në magazinën e lokalit.<br /><br />U sekuestruan;<br />- 2 kallëpe lëndë plasëse TNT<br /><br />- 3 kapsolla elektrodetonatore<br /><br />- 1 granatë difensive<br /><br />- 310 fishekë model 56<br /><br />- 130 gr. lëndë narkotike e dyshuar Marijuanë<br /><br />- 1 mjet me targa që i përkasin një mjeti tjetër<br /><br />- 20 celularë dhe 3 numra telefoni<br /><br />- 20 vegla pune të ndryshme (motosharra, pompa uji, saldatriçe, gur fresibël etj.)<br /><br />- 13 pajisje elektronike (laptop, magnetofon, 6 aparate fotografike digitale etj)<br /><br />- 6 pajisje elektroshtëpiake ( televizor, hekura, pajisje vakumi etj.)<br /><br />- 3 kuti me aksesorë të ndryshëm (kaçavida, çelsa)<br /><br />- pajisje makinash (3 çelësa automjetesh , aparate navigatore, aparate për karikim baterish) etj.<br /><br />Sipas policisë, këto materiale dyshohen të jenë përfituar nga vjedhja e banesave, magazinave, serviseve etj, të ndodhura në territorin që mbulon Komisariati i Policisë Kurbin, ndërsa po punohet për dokumentimin ligjor të tyre.<br /><br />Gjithashtu, gjatë kontrolleve, janë shoqëruar në ambientet e policisë për verifikim 10 persona, kryesisht me precedentë penalë për armëmbajtje pa leje, vjedhje dhe prodhim e shitje të lëndëve narkotike.
