Subscribe në Ora News këtu http://bit.ly/1s5j7UT<br />Në Mat i jepet lamtumira tre personave të cilët u vranë një ditë më parë, ku dy prej tyre ishin punonjës bashkie, ndërsa një i tretë banor i zonës.<br /><br />Në ceremoninë e varrimit ishin të pranishëm edhe stafi i bashkisë së bashku me këshillin bashkiak, ndërsa merrte pjesë edhe deputeti Përparim Spahiu.<br /><br />Ndërkohë bashkia Mat vendosi një fond prej 1 mln lek për shpenzimet e varrimeve për tre viktimat që dje u shpallën "Qytetar Nderi".<br /><br />Si ndodhi krimi<br /><br />Autori Kujtim Koxha, rreth orës 12:30 të mesditës ka qenë në lokalin e fshatit, kur brenda ambientit kanë hyrë punonjësit e bashkisë për të ngrënë drekë.<br /><br />Koxha u ka kërkuar punonjësve të bashkisë që të shtrojnë rrugën deri afër shtëpisë së tij.<br /><br />Kjo ka sjellë debat mes tij dhe punonjësve të bashkisë dhe në një moment shoferi i kamionçinës, Erzen Aliaj ka debatuar jashtë lokalit me Kujtim Koxhën dhe e ka qëlluar me shuplakë. Aliaj mësohet se ka qenë në gjendje të dehur.<br /><br />Më pas autori ka shkuar në banesë, ka marrë armën automatik dhe është kthyer në lokal duke qëlluar punonjësit e bashkisë që po konsumonin drekë.<br /><br />Nga ngjarja gjeti vdekjen në vend Mentor Hoxha, ndërsa Erzen Aliaj dhe Hamit Buçi humbën jetën pak orë pas ngjarjes.<br /><br />I plagosur mbeti dhe Astrit Hani, i cili po merr mjekim në spitalin e Burrelit, jashtë rrezikut për jetën.<br /><br />Policia arrestoi 51 vjeçarin Koxha rreth një orë larg vendngjarjes, në një urë në Burgajet. Për kapjen e tij u vunë në ndjekje 40 forca policie.<br />Për më shumë lexoni në: <br />http://www.oranews.tv/article/lamtumira-3-punonjesit-e-bashkise-mat-1-mln-leke-shpenzimet-e-varrimit
