TIRANË-Policia ka arrestuar autorin e grabitjes dhe vrasjes së të riut në kryeqytet para dy netësh. Ai është Muhamet Sallahi. 25 vjeçari, banues në Tiranë pasi grabiti e qëlloi me thikë gjatë përleshjes në banesë 30 vjeçarin Holdi Hajdari, i cili ndërroi jetë në spital mëngjesin e djeshëm.<br /><br />Report TV ishte dje brenda banesës në rrugën ?Bego Hoxha? ku ndodhi ngjarja, ku dukeshin shenjat e konfliktit, ndërsa pranë dhomës ku ka ndodhur sherri është gjetur thika, por edhe një portofol i boshatisur.<br /><br />Brenda portofolit dyshohet se kishte një sasi të konsiderueshme lekësh dhe që autori ishte në dijeni prandaj e ka kryer grabitjen. Muhamet Sallahi e dinte që Holdi Hajdarit i kishte dërguar një sasi lekësh babai nga Greqia dhe për këtë ka organizuar grabitjen.<br /><br />Burime nga Policia e Tiranës thanë se Holdi Hajdari, por edhe personi që e vrau atë ishin përdorues droge, ndërsa kjo vërtetohet edhe nga shiringat që janë brenda banesës. Pasi e qëlloi me thikë Holdi Hajdrin, autori u largua, por në arrati qëndroi vetëm 24 orë më pas është prangosur.<br /><br />Materialet iu referuan Prokurorisë pranë Gjykatës së Shkallës Parë Tiranë në ngarkim të shtetasit të lartpërmendur për veprën penale ?Vrasja me dashje? të parashikuar nga neni 76 i Kodit Penal.
