Tentojnë të vjedhin një banesë vilë, kapen në flagrancë nga policia 2 autorët e dyshuar në momentin që po nxirrnin materialet për ti transportuar.<br /><br />U sekuestrohen në flagrancë materialet që po tentonin të vidhnin.<br /><br />Dokumentohen me prova ligjore si autorë të dyshuar të disa vjedhjeve të tjera të ndodhura.<br /><br />Gjithashtu, vazhdojnë kontrollet e befasishme në lokale, akse rrugore e ambiente të ndryshme nga forcat policore të Komisariatit të Policisë Lezhë, në bashkëpunim edhe me forcat policore të Drejtorisë Vendore të Policisë Lezhë, me qëllim ruajtjen e rendit dhe sigurisë publike.<br /><br />Shoqërohen në ambientët e policisë për verifikim, 7 persona kryesisht me preçedentë penale të mëparshëm për vjedhje dhe armëmbajtje pa leje.<br /><br />Nga forcat policore të Komisariatit të Policisë Lezhë, pas një pune hetimore profesionale dhe të mirëorganizuar, u bë i mundur ndërhyrja në kohë rekord duke kapur në flagrancë 2 shtetas në tentativë për të vjedhur në një banesë vilë ( pa persona brenda), ku po nxirrnin materialet nga banesa për ti transportuar.<br /><br />Konkretisht :<br /><br />- Bardhok Miza, 42 vjeç, banues në Kurbin<br /><br />- E.M. 17 vjeç, banues në Kurbin.
