Subscribe në Ora News këtu http://bit.ly/1s5j7UT<br />Grupi i katër prokurorëve ka vendosur të shtyjë deri me 17 janar hetimin për ish-Ministrin e Brendshëm, Saimir Tahiri.<br /><br />Çështja është shqyrtuar paraditen e kësaj të hëne (15 tetor 2018) në Prokurorinë e Krimeve të Rënda, ku është analizuar dosja me elementët e grumbulluar deri më tani.<br /><br />Në konkluzion thuhet se shtyrja me tre muaj do të shërbejë për administrimin e letër-porosisë që i është nisur Italisë dhe Malit të Zi, por në të njëjtën kohë do të vazhdojë dhe kqyrja e verifikimeve pasurore.<br /><br />Në dosje renditen dhe argumentat e hetimit.<br /><br />"Nga hetimet e kryera rezulton se shtetasi në hetim Mosi Habilaj dhe bashkëpunëtorët e tij kanë bashkëpunuar me zyrtarët e lartë të policisë së shtetit, ku si person i dyshuar është dhe ish-ministri i Brendshëm në hetim Saimir Tahiri. <br /><br />Personi në hetim Moisi Habilaj në bashkëpunim me persona të tjerë duke përfituar nga lidhjet fisnore me ish-Ministrin e Brendshëm dhe kundrejt shpërblimeve të dhëna atij, kanë arritur të bëjnë të mundur kultivimin e sasive të konsiderueshme të lëndës narkotike dhe transportimin e tyre në mënyrë të organizuar me destinacion jashtë vendit".<br /><br />Madje prokurorët shprehen se dyshojnë se Tahiri kishte dijeni dhe u siguronte paprekshmërinë.<br /><br />Ish-Ministri i Brendshëm u akuzua prej opozitës si i përfshirë në trafikun e lëndëve narkotike. <br /><br />Kjo pas publikimit të përgjimeve të grupit "Habilaj" në Itali, ku emri i tij përmendej si personi që i mbështeste.<br /><br />Në deklaratat për mediat, opozita akuzoi se Tahiri kishte udhëtuar me Habilajt në Greqi me automjetin që ai u kishte shitur më parë.<br /><br />Një tjetër akuzë ishte dhe udhëtimi i Tahirit me jaht drejt Malit të Zi.<br /><br />Nga ana e tij, ish-Ministri i Brendshëm ka kundërshtuar akuzat teksa dorëzoi dhe mandatin e deputetit, ku kërkoi prej Prokurorisë një hetim të plotë.<br />Për më shumë lexoni në: <br />http://www.oranews.tv/article/drej-mbylljes-hetimet-dosjen-tahiri-prokuroret-takim-provat-e-fundit
