Subscribe në Ora Neës këtu http://bit.ly/1s5j7UT<br />Plot një shekull jetë mes një kalvari vuatjesh e ka shndërruar Mark Margjinin nga Selita e Mirditës në një simbol të jetëgjatësisë. Në ditëlindjen e 100 ai mori edhe bekimin apostolik nga Papa Françesku.<br /><br />Ky i moshuar nga Selita e Mirditës, mund të konsiderohet si simboli i jetëgjatësisë, duke ju referuar veshtirësive të shumta që ka kaluar në jetë.<br /><br />Mark Margjini festoi 100 vjetorin e lindjes, ndërsa thotë se nuk e kishte menduar kurrë se do të vinte kjo ditë<br /><br />Mark Margjini: Me vuajtjet që kam kaluar unë nuk e mendoja do t'ia arrij kësaj dite.<br /><br />Jeta e Markut ka qenë një kalvar vuajtjesh dhe mundimesh.<br /><br />Ai tregon se ka marrë dy herë armët, duke u plagosur në luftë për mbrojtjen e trojeve të tij.<br /><br />Por historia e tij nuk mbyllet me kaq, pasi vite më vonë ka bërë burg, pasi nuk ju bind sistemit të egër komunist.<br /><br />Mark Margjini: Kohën e Zogut e mbaj mend, Italinë e mbaj mend. Me Italinë kam qenë në mal.Më arrestuan për agjitacion dhe propagandë. U dënova 10 vjet, bëra 5 vjet burg dhe 5 mi falën.<br /><br />Historia e këtij 100-vjeçari ka tërhequr dhe vëmendjen e Papa Françeskut, i cili përmes ipeshkvit të Mirditës Monsinjor Gjergj Meta i përcolli bekimin apostolik.<br /><br />Gjergj Meta: Papa i uron shëndet të mirë, qetësi të shpirtit dhe çdo të mirë tjetër.<br /><br />Familja e 100 vjeçarit sot janë mjaft të lumtur për virtytet e trashëguara nga Mark Margjini.<br /><br />Kol Margjini: Bujarinë, besën, mençurinë.<br /><br />Historia e Mark Margjinit do të ngelë gjatë në memorien e të gjithëve si simbol i rezistencës të disa periudhave mjaft të vështira që ka kaluar vendi ynë.<br />Për më shumë lexoni në: <br />http://www.oranews.tv/article/mark-margjini-nje-shekull-jete-mes-kalvarit-te-vuajtjeve
