Subscribe në Ora News këtu http://bit.ly/1s5j7UT<br />Një i moshuar mbeti viktimë e një aksidenti të rëndë rrugor që u shënua në qendër të fshatit Gur i Zi në rrethin e Shkodrës.<br /><br />Njac Rroku rreth të 70-ave, humbi jetën pasi çiklomotori me të cilin po udhëtonte, u përplas nga një automjet tip Volksvagen, që drejtohej nga shtetasi me inicialet A.D banues në Shkodër.<br /><br />Edhe pse u dërgua me urgjencë në spitalin rajonal, bluzat e bardha nuk arritën ta mbajnë në jetë të moshuarin, që nga përplasja kishte humbur dy gjymtyrë, krahun dhe këmbën e për pasojë shumë gjak.<br /><br />Sapo ka hyrë në sallën e operacionit, ai ka ndërruar jetë si pasojë e hemoragjisë së lartë. Drejtuesi i mjetit menjëherë pas aksidentit është larguar nga vendi i ngjarjes, ndërsa policia është vënë në ndjekje të tij dhe disa orë pas aksidentit, arriti ta arrestojë.<br /><br />Grupi hetimor nisi punën për zbardhjen e shkaqeve të këtij aksidenti, ku po ndërton nga e para skemën.<br /><br />Mësohet se fillimisht bazuar edhe nga gjurmët në rrugë, mjeti ka tentuar të frenojë, por shpejtësia tej normave të lejuara ka bërë që përplasja të mos shmangej me drejtuesin e çiklomotorrit, i cili nga goditja e fortë ka bërë disa rrokullisje në rrugë, duke përfunduar disa metra më tutje.<br /><br />Materialet për këtë aksident i kaluan prokurorisë së rrethit gjyqësor Shkodër për veprime të metejshme, ku i riu do të përgjigjet veprën penale ?aksident me pasojë vdekjen?.<br /><br />Ky është aksidenti i tretë në qarkun Shkodër brenda 24 orëve, ku një natë më parë një mjet përplasi një motoçikletë me të cilën po lëviznin tre adoleshentë.<br /><br />Ata fatmirësht nuk kanë pasoja për jetën pasi plagët që morën janë të lehta. Ndërsa në Pukë një 25 vjeçar po me motoçikletë u aksidentua tek kthesa e Urës së Karatit dhe ndodhet në gjendje të rëndë në spitalin e Traumës në Tiranë, ku u dërgua me helikopter.<br /><br />Ndërkohë një aksident zinxhir ku u përplasën katër mjete u regjistrua në aksin Korçë, Pogradec, ku mbeti i plagosur një person ndërsa dëmet materiale ishin të mëdha!<br />Për më shumë lexoni në: <br />http://www.oranews.tv/article/shkoder-makina-perplas-vdekje-65-vjecarin
