Serbia nuk ka mundësi ta ndaloj formimin e ushtrisë së Kosovës. Por, kjo mund të varet nga NATO. Reagimet në Beograd ishin të ashpra për votimin në Kuvendin e Kosovës. NATO shihet si mbrojtës pavarësisht historisë së hidhur me Serbinë.<br /><br />Presidenti serb, Alleksandar Vuçiç, gjatë një takimi me përfaqësuesin e departamentit të shtetit, Matthew Palmer, ka thënë se shpreson që SHBA ta kuptojnë qëndrimin serb.<br /><br />"Ne mund vetëm të lusim që ta kuptojnë se kjo është e dëmshme dhe e rrezikshme për rajonin. Ne duam të ndërtojmë partneritet me SHBA".<br /><br />Mysafiri nga Uashingtoni tha se SHBA mbështesin dialogun, por edhe formimin e ushtrisë.<br /><br />"Ne kemi në plan të punojmë afër me partnerët tanë që ta mbështesim këtë tranzicion dhe që kjo të jetë një kontribut për paqen dhe sigurinë në rajon".<br /><br />Analisti politiko ushtarak, Alleksandar Radic, thotë se e vetmja gjë që mund të ndodh është që zbatimi I ligjeve në Kosovë të ngrihet.<br /><br />"Edhe pse është paradoksale, Serbia të vetmen shpresë ka NATO-n pasi vetëm nga Brukseli mund të thuhet të ngrihen ligjet për shkak të monopolit mbi sigurinë që ka KFOR-i".<br /><br />Serbia u ka premtuar qytetarëve të saj se do t'i mbrojë kudo nëse është nevoja dhe shumë herë është folur për luftën. Kjo për analistët është psikologji politike dhe jo strategji reale.<br /><br />Tv Klan
