Subscribe në Ora News këtu http://bit.ly/1s5j7UT<br />Një biznesmen turk në fushën e tekstileve është arrestuar në lidhje me laboratorin e Heroinës në Has, ndërsa të tjerë persona janë ende në kërkim.<br /><br />Emri i të arrestuarit ende nuk bëhet i ditur, por burimet pranë grupit hetimor thonë aktiviteti i tij përdorej për të sjellë në vendin tonë, opiumin që përdorej për përgatitjen e heroinës.<br /><br />Kryesisht bima e opiumit kultivohet në Afganistan, dhe dyshohet se në vendin tonë ka ardhur përmes rrugës Afganistan-Turqi-Kosovë-Shqipëri.<br /><br />Në laboratorin e Hasit, Ajo përpunohej dhe me pas hidhej në treg.<br /><br />Agjencitë ligjzbatuese tregohen të rezervuara në detaje për shkak të sekretit hetimor, por mësohet se në kërkim është personi që përgatiste heroinën, i njohur ndryshe si kimisti.<br /><br />Edhe ai dyshohet se mund të jetë një shtetas në huaj, ashtu si në rastin e laboratorit të Xibrakës!<br /><br />Arrestimi i biznesmenit turke e coi në 6 numrin e personave të vënë në pranga për laboratorin e heroinës në Has.<br /><br />Më herët u arrestuan Xhavit Shuti, Mustaf Shuti, Anila Shuti, Flamur Bisho Çela, Vehbi Barushi.<br /><br />Laboratori ishte ngritur në një shtëpi të fshatit Brenogë i cili lidhet me qytetin përmes një rruge të paasfaltuar.<br /><br />Në brendësi të tij, policia gjeti të paktën 160 kallëp droge, të dyshuar heroine, e paketuar dhe e gatshme për transport. Përafërsisht deri në 150 kilogram heroinë e cila tashmë është e sekuestruar.<br /><br />Lajme të tjera nga ngjarja:<br /><br />Zbulohet laboratori i heroinës në Has, 5 të arrestuar<br /><br />Laboratori i heroinës në Has, në kërkim anëtarët e rrjetit<br /><br />Laboratori i drogës në Has, Policia thirrje medias: Kujdes! Të mos cenohet siguria e efektivëve<br /><br />Laboratori i heroinës në Has, Berisha jep emrat: Dy ekstremistë të PS, u dekonspirua<br /><br />Rama për heroinën në Has: Suksesin opozita e dëshpëruar e quan falje të qeverisë<br />Për më shumë lexoni në: <br />http://oranews.tv/article/laboratori-i-heroines-ne-has-arrestohet-nje-shtetas-i-huaj
