Subscribe në Ora News këtu http://bit.ly/1s5j7UT<br />Çështja e ngritur së fundmi në Greqi për alokimin e një fondi prej 1 milion euro vetëm në muajin tetor për disa media elektronike në Shqipëri ka nxitur hetimin në shtetin grek për nxjerrje të sekretit hetimor.<br /><br />Kjo çështje merr një rëndësi të veçantë në Shqipëri në kushtet kur shteti ynë dhe ai fqinj helen janë në mes të negociatave për delimitimin e hapësirave detare.<br /><br />Nisur nga shqetësimi i ngritur nga kjo çështje, Ora News pyeti Prokurorinë e Përgjithshme nëse nga pala jonë ka nisur apo do të nisë një hetim për të parë se ku kanë përfunduar këto fonde dhe për çfarë qëllimi. <br />Në përgjigje të saj, Prokuroria e Përgjithsme u shpreh se në bazë të ligjit të ri për funksionimin e Prokurorisë, ky organ nuk mund të fillojë dot hetimet pasi nuk ka Drejtori hetimore.<br /><br />Megjithatë çdo prokuror në Republikën e Shqipërisë mund të nisë procedimin në çdo pjesë të vendit. <br />Me ligjin e ri pjesë e reformës në drejtësi, Prokurorët e Prokurorisë së Përgjithshme mund të përfaqësojnë organin e akuzës vetëm në Gjykatën e Lartë dhe atë Kushtetuese dhe nuk mund të fillojnë hetimin e një çështje me themel.<br /><br />Prokuroria e Përgjithshme as nuk mund t?i kërkojë prokurorive të rretheve gjyqësore të nisin një hetim kryesisht por vetëm mund të udhëzojë për një gjë të tillë.<br /><br />Një hetim të tillë nga themeli, që nuk ka nisur ende, mund ta ndërmarrë çdo prokuror tjetër, pjesë e prokurorive të rretheve gjyqësore në mënyrë të pavarur, nëse nuk ka një kallëzim.<br />Për më shumë lexoni në: <br />http://oranews.tv/article/pse-nuk-hetohen-fondet-greke-ne-shqiperi-asnje-procedure-te-zbuluar-te-verteten
