Subscribe në Ora News këtu http://bit.ly/1s5j7UT<br /><br />Për më shumë lexoni në: <br />http://oranews.tv/article/gjahtaret-e-thesareve-vjedhin-e-demtojne-anijet-e-mbytura-ne-durresShekuj më parë në brigjet e Shqipërisë së sotme vepronin piratët që godisnin anijet tregtare. Sot pasuesit e tyre, "gjahtarë thesaresh", janë zhytur thellë nën det nga ku po vjedhin e dëmtojnë anijet e mbytura në ujërat tona. Situata konsiderohet alarmante dhe kërkohet forcim i monitorimit nga shteti.<br /><br />Kjo është një prej dhjetra anijeve të mbytura (shikoni foton) në pjesën ujëra shqiptare të deteve Adriatik e Jon që kanë rënë pre e grabitjes nga të ashtuquajturit ?piratë? të thellësive.<br /><br />Në kushtet e mungesës së kontrolleve të mirëfillta nga autoritetet, zhytësit ?gjahtarë thesaresh" po grabisin ditë pas ditë reklike dhe objekte historike nga këto anije dhe i nxjerrin në shitje në tregjet ilegale brenda apo jashtë vendit.<br /><br />Denis Nova, instruktor zhytës i shoqatës ndërkombëtare ?Padi?, thotë për Ora News se situata është alarmante.<br /><br />Denis Nova: Shumica e anijeve janë dëmtuar nga personat që kanë pasur synime tregtie të objekteve antike apo dhe objektet me vlerë.<br /><br />Ndaj kërkohet që shteti të marrë masa urgjente përmes Agjencive ndaj "piratëve të thellësive".<br /><br />Denis Nova: Të paktën të regjistrojnë aktivitetin e tyre sepse çdo njeri mund të vijë këtu dhe të bëjë atë që ka ai për interes, edhe zhytjen, edhe kërkimet, zbulimet nga persona të paautorizuar.<br /><br />Këto anije të mbytura në kohë e situata të ndryshme, kanë potencialin për tu shndërruar në atraksione turistike, jo vetëm për të apasionuarit pas zhytjes. <br /><br />Ndaj kërkohet më shumë angazhim nga institucionet e shtetit për të mbrojtur dhe vënë në shfrytëzim në funksion të turizmit këto gjetje, duke u zbuluar historitë e plota.<br /><br />Denis Nova: Kjo mund të jetë një pikë interesi për zhytësit dhe turistët që mund të vinë këtu në Durrës për të zbuluar historinë e këtyre anijeve.<br /><br />Këto pamje (shikoni videon) ndërkohë tregojnë biodiversitetin e pasur të deteve shqiptare, por që ndër vite ka pësuar dëmtime të pallogaritshme nga përdorimi i lëndëve plasëse.
