Policia e Shtetit ka goditur familjen kriminale Avdyli në Shijak duke arrestuar tre vëllezërit, kushëririn e parë të tyre dhe mbi 20 anëtarë të bandës që akuzohet për trafik heroinë në Shqipëri dhe në Gjermani, ndërsa numëron dhjetëra biznese, mes tyre hoteli luksoz në Durrës ?Germany?.<br /><br />Të arrestuar janë vëllezërit; Astrit Avdyli, që është koka e bandës, Flamur Avdyli dhe Shkëlqim Avdylin. Ndërsa përpos tyre u prangos kushëriri i parë, Jasim Avdyli së bashku me H. Hoxha, të dënuar në Turqi për trafik heroine dhe mbi 20 persona të tjerë.<br /><br />Pjesë e dosjes është edhe një urdhër arresti për Lul Berishën, ish-kapon e Durrësit, që është arratisur. REPORT TV siguroi pamjet ekskluzive të momentit që Flamur Avdyli u dërgua në Drejtorinë e Policisë së Tiranës pas arrestimit pasditen e sotme në Shijak nga RENEA dhe FNSH.<br /><br />Familja Avdyli është pronare e dhjetëra bizneseve në Shijak, Durrës dhe disa qytete të tjera të vendit, mes tyre kompania 'Orges Albania 2016' dhe hoteli luksoz ?Germany? në Durrës.
