Subscribe në Ora News këtu http://bit.ly/1s5j7UT<br /><br />Laboratori i drogës që u zbulua së fundmi në Has ka qenë fillesa e operacionit i cili u finalizua mbrëmjen e së dielës, 21 tetor, me arrestimin e 27 personave dhe shpalljen në kërkim të 6 të tjerëve, si pjesë e dosjes voluminoze, hetimi i së cilës ka nisur dy vjet më parë.<br /><br />Prokuroria e Krimeve të Rënda lëshoi 44 urdhërarreste si dhe udhëroi 100 kontrolle banesash të personave të dyshuar për implikim në trafiqe që janë përmendur gjatë përgjimeve.<br /><br />Për disa prej tyre ka pasur informacion nga homologët, dhe konkretisht Gjermania.<br /><br />Një nga personat banesa e të cilit u kontrollua të dielën ishte ajo e Lulzim Berishës, një nga anëtarët e Bandës së Durrësit, i cili po kryen pjesën e mbetur të dënimit në liri me kusht.<br /><br />Në banesën e tij policia nuk arriti të gjente asgjë që mund ta implikonte. Gjithashtu burime nga Ora News bëjnë me dije se për Berishën nuk ka një urdhërarresti të lëshuar nga Prokuroria e Krimeve të Rënda pasi nuk ka prova që të paktën në këtë rast e implikojnë direkt në përfshirjen në trafik.<br /><br />Mësohet se emri i Berishës ka dalë gjatë përgjimeve ku Avdylajt e shihnin si një mundësi për trafikimin e lëndës narkotike e cila përpunohej në laboratorin e Hasit dhe shpërndahej për në vëndet e BE-së.<br /><br />Për më shumë lexoni në: http://oranews.tv/article/burimet-grupi-avdylaj-ishin-orositesit-e-heroines-ne-laboratorin-e-heroines
