Subscribe në Ora News këtu http://bit.ly/1s5j7UT<br />"Duke nisur nga data 31 dhjetor të këtij viti do të pushojnë së funksionari të gjitha kazinotë elektronike. Ndryshimi i sotëm përfshin edhe bastet sportive, si dhe çdo lloj basti për çdo garë të ashtuquajtur në pistë, me kuaj, me qen, apo me çdo lloj skllavi të faunës shqiptare".<br /><br />Kjo është një nga deklaratat e shumta që kryeministri Edi Rama ka bërë që nga fillimi i këtij muaji për mbylljen e lojërave të fatit që në fakt mori një kthesë të papritur në Komisionin e Ekonomisë.<br /><br />Një amendament i propozuar nga Partia Socialiste ja heq bastet iniciativës private dhe ja kalon shtetit ndërmjetësimin dhe organizimin për këtë kategori.<br /><br />Braçe: Neni 1, përgjegjësia e shtetit. Organizimi, zhvillimi, ndërmjetësimi i lojërave të fatit, basteve sportive dhe lotarisë është përgjegjësi e shtetit. Kundër nuk ka, abstenim nuk ka, miratohet.<br /><br />Në bazë të këtij amendamenti, sipas Ministrit të Financave pas datës 31 dhjetor as lotaria kombëtare nuk do të ketë të drejtë që të vendosë lojëra.<br /><br />Ahmetaj: Asnjë shoqëri, përfshirë dhe lotarinë kombëtare, nuk mund të vendosë apo të ofrojë lojëra fati sipas konceptit, funksionit/funsionimit të VLT-së.<br /><br />Asnjë nga deputetët e Partisë Socialiste nuk e kishin të qartë rrugën sesi do të bëhet kjo por kthesa e papritur e këtij vendimi vendos pikëpyetje të mëdha nëse vendimmarrjen e ndryshoi lobimi apo dhe kërcënimet që kishte paralajmëruar kreu i qeverisë që kishin nisur të vinin nga burgjet edhe për deputetë të PS-së.<br /><br />Një protestë e paralajmëruar të martën para Komisionit të Ekonomisë u anulua, pasi Shoqata e Basteve tha se nuk kishte marrë leje nga policia.<br /><br />Për më shumë lexoni në: http://oranews.tv/article/prligji-lojrat-e-fatit-te-enjten-ne-parlament-brace-deputetet-presion-kriminal
