27 personat e arrestuar në operacionin "Vol-Vo 4" dhe të shpallurit në kërkim do t?i nënshtrohen një verifikimi të hollësishëm të pasurisë.<br /><br />Policia dhe prokuroria kanë nisur të hetojnë çdo pasuri të anëtarëve të 4 grupeve kriminale të trafikut të drogës.<br /><br />Burime të policisë bëjnë me dije se Sektori i Hetimit të Krimit të Organizuar në Policinë e Shtetit do të kërkojë informacion në disa institucione shtetërore, por edhe banka të nivelit të dytë.<br /><br />Këtij verifikimi do t?i nështrohen jo vetëm personat e arrestuar e të shpallur në kërkim, por edhe familjarë dhe të afërm të tyre.<br /><br />Informacion do t?i kërkohet Hipotekave të Fierit, Lezhës, Sarandës dhe Durrësit për të evidentuar fillimisht pasuritë e regjistruara në emër të tyre dhe më pas për të parë nëse i justifikojnë ato.<br /><br />Në emër të këtij grupi dyshohet se figurojnë sipërfaqe të mëdha toke, në bregdet dhe në zona urbane, apartamente, lokale e hotele.<br /><br />Në banka do të kërkohen jo vetëm llogari të mundshme bankare, por edhe transaksione të kryera ndër vite.<br /><br />Prokuroria e Krimeve të Rënda ka lëshuar 44 urdhër-arreste, mes tyre edhe dy ish-deputetëve socialistë Arben Çuko dhe Arben Ndoka që shfaqen në përgjimet e disa prej anëtarëve të këtyre grupeve kriminale.<br /><br />Mëngjesin e 18 Tetorit, pas një hetimi të nisur prej viti 2016, policia zbuloi një laborator të përpunimit të heroinës në Has.<br /><br />Në kërkim vazhdojnë të jenë Admir Hoxha, që cilësohet si personi që ka ideuar dhe financuar ngritjen e laboratorit si dhe dy shtetas turq dhe një kosovar.<br /><br />Hoxha dyshohet se drogën e prodhonte për llogari të grupit të Shijakut, i cili më pas e shpërndante atë tek grupet e Lezhës, Fierit dhe Sarandës që e trafikonin brenda dhe jashtë vendit.
