Kuvendi vendosi në dy komisione parlamentare të ngrijë për dy muaj dy projektligje të deputetit Erjon Braçe që synonte të lehtësonte marrjen e certifikatave të pronësisë për familjet bujqësore.<br /><br />Ligji vendos si afat kohor kur personi është vendosur në territor gushtin e vitit 1991. Ka ndodhur që njerëzit janë zhvendosur para kësaj periudhe, por për shkak të trazirave pasaportizimi ka ndodhur pas gushtit të 1991-shit. Prej 1991 e këtej e kanë tokën thjesht në përdorim dhe ligji aktual ju kufizon atyre mundësinë e marrjes së një certifikate pronësie. Ne ju njohim të drejtën që të provojnë faktikisht vendosjen në këto territore para gushtit të 1991.<br /><br />Erjon Braçe, Deputet i PS<br />Edhe pse në thelb nuk ishin kundër kësaj nisme, dy përfaqësues të qeverisë, ministri i Bujqësisë Niko Peleshi dhe zëvendësministri i Drejtësisë, Toni Gogu thanë se ishin kundër këtyre korrektimeve të pjesshme, teksa sipas tyre qeveria po punon për dy ligje të plota.<br /><br />Nuk kemi nevojë për këto arnime, teksa ligjet që ne do të sjellim mund të përfshijnë edhe këto komponentë të rëndësishëm.<br /><br />Niko Peleshi, Ministër i Bujqësisë<br />Jam dakord me z. Peleshi. Ne po punojmë për një paketë të plotë që mendojmë se do ta sjellim shpejt.<br /><br />Toni Gogu. Zv.ministër i Drejtësisë<br />Fjala e dy përfaqësuesve të qeverisë nuk i mjaftoi Erjon Braces i cili kërkoi një afat, e as deputetëve, të cilët thanë se nëse qeveria nuk i sjell ligjet deri në dhjetor, atëherë Kuvendi do të miratojë dy nismat e Braçes.
