KAMËZ - Një person ka mbetur i plagosur me armë zjarri mbrëmjen e sotme në Kamëz. Ngjarja ka ndodhur në Valias rreth orës 20:07 të mbrëmjes së sotme, ku raportohet se ka mbetur i plagosur Elez Bodisha, 50 vjeç. Report Tv ka mësuar se në vendin e ngjarjes janë regjistruar 20 të shtëna nga një breshëri arme. Ngjarja dyshohet për shkaqe hasmërie dhe policia është drejt zbardhjes së ngjarjes.<br /><br />Uniformat blu kanë ngritur pika kontrolli në akset rrugore dhe hyrje- daljet e kryeqytetit për kapjen e autorit.<br /><br />Njoftimi i Policisë:<br /><br /> Tiranë<br /><br />Informacion Paraprak<br /><br />Më datë 25.10.2018, rreth orës 20:07, në Valias të Kamzës është plagosur me armë zjarri në rrethana ende të pa qarta shtetasi E. B., 50 vjeç.<br /><br />Shtetasi i dëmtuar aktualisht ndodhet në spital jashtë rrezikut për jetën. Po bëhet krehja e zonës, territorit përreth, si dhe janë ngritur pika kontrolli në akset rrugore dhe hyrje- daljet e kryeqytetit.
