Subscribe në Ora News këtu http://bit.ly/1s5j7UT<br />Disa tërmete janë regjistruar në orët e para të mëngjesit të sotëm në detin Jon. Tërmeti më i fuqishëm ishte me magnitudë 6.8 ballë, i cili u pasua nga disa tërmete të tjera.<br /><br />Epiqendra ishte rreth 36 kilometra larg ishullit grek Zakinthos, por lëkundjet janë ndjerë edhe në Shqipëri, Itali dhe Maltë.<br /><br />Tërmetet në detin Jon me magnituda që varionin nga 3.7-5.6 janë regjistruar brenda një intervali të shkurtër kohor.<br /><br />Ndërkohë në shtetin helen, agjencia zyrtare e lajmeve ANA-MPA njofton se magnituda ishte 6,9 grade te shkalles Rihter, dhe në ishullin e Zakinthos u ndërpre për disa minuta furnizimi me energji elektrike.<br /><br />Instituti Kombëtar i Gjeofizikës dhe Vullkanologjisë në Greqi lëshoi alarmin për cunam, duke paralajmëruar qytetarët të qëndrojnë larg nga brigjet dhe plazhet.<br /><br />Tërmeti me magnitudë 6.8 i pasur nga disa lëkundje të tjera ka shkaktuar dëme materiale në të gjithë ishullin Zakinthos. Të gjitha shkollat e ishullit do të mbyllen sot me urdhër të kryetarit të komunës Paul Kolokotsa.<br /><br />Alarm cunami edhe në Itali<br /><br />Tërmeti i fortë 6.8 ballë që gjatë natës goditi Greqinë me epiqëndër në ishullin Zakinthos është ndjerë në të gjithë Italinë e Jugut duke shkaktuar panik tek banorët në rajonet e Kalabrias, Puglias, Sicilia e Basilicata.<br /><br />Të shumta kanë qënë telefonatat e banorëve që kanë kërkuar ndihmë dhe pse për momentin nuk ka informacione për dëme materiale apo të plagosur.<br /><br />Alarmi është shpërndarë dhe në rrjetet sociale ku mjaft qytetarë dokumentojnë se kanë kaluar natën jashtë nga frika e paniku i shkaktuar nga lëkundja e fortë sizmike.<br /><br />Instituti Kombëtar Italian i Sizmologjisë informon se "lëkundja e tërmetit ka shkaktuar një lëvizje anormale prej 10 cm të detit Jon në provincën e Krotones me rrezikun e një cunami.<br /><br />"Pritet të ketë lëvizje të mundshme të nivelit të detit deri në 1 metër. lajmërojnë sizmologët" duke këshilluar banorët të qëndrojnë larg brigjeve e plazheve italiane.<br /><br />"Rekomandojmë kujdes maksimal në zonat bregdetare e në basenet e porteve, duke ndjekur udhëzimet e aturiteteve, evitoni zonat bregdetare", thuhet në deklaratëtn e Institutitn Sizmologjik Italian.<br />Për më shumë lexoni në: <br />http://oranews.tv/article/termet-i-fuqishem-68-balle-ne-greqi-lekundjet-u-ndjene-edhe-ne-tiran
