Subscribe në Ora News këtu http://bit.ly/1s5j7UT<br />Policia dhe veterinerët kanë hapur me forcë portën kryesore të kopshtit zoologjik privat në Fier për të transportuar kafshët.<br /><br />13 kafshët do të transportohen në kopshtin zoologjik të Tiranës. Tre luanët do të trasnferohen më pas në Holandë dhe prej andej në Afrikë.<br /><br />Drejtori i përgjithshëm i policisë pyjore, Anduel Xhalia tha se ndërhyrja do bëhet sot (28 tetor) pasi ka kaluar çdo afat për dorëzimin e dokumentacionit.<br /><br />"Nuk e dimë se në çfarë gjendje janë kafshët, të ushqyera apo jo, ndaj kërkohet ndërhyrje e menjëhershme,"-tha ai.<br /><br />Ndërsa avokati i kopshtit zoologjik 'Safari park', Elvis Sulejmani u shpreh se nuk ka asnjë vendim gjykate për marrjen e kafshëve.<br /><br />Elvis Sulejmani: "I kemi plotësuar të gjitha kushtet dhe dokumentacionin për vazhdimin e aktivitetit. Kafshët nuk mund të merren forcërisht."<br /><br />Ai u shpreh se afati për dorëzimin e dokumentacionit mbaron të hënën.<br /><br />Elvis Sulejmani: "Afati për dorëzimin e dokumentacionit mbaron të hënën në orën 16:00. Ne i kemi përmbushur të gjitha detyrat sipas procesverbalit të datës 17 tetor.<br /><br />Inspektorët e Mjedisit janë në dijeni të këtij fakti dhe vijnë qëllimisht ditën e dielë për të marrë kafshët forcërisht dhe në shkelje të ligjit."<br /><br />Reagimi i instituticioneve ka ardhur pas publikimit nga Daily Mail të fotove të luanit me sy të nxirë e të infektuar, që bënë xhiron e botës.<br /><br />Pas raportimit të lajmit, më 17 tetor me urdhër të Ministrit të Turizmit dhe Mjedisit, Inspektorati i Mjedisit u paraqit pranë parkut zoologjik privat për verifikim.<br />Për më shumë lexoni në: <br />http://oranews.tv/article/fier-hapet-me-force-porta-e-kopshtit-zoologjik-transportimin-e-kafsheve
