Subscribe në Ora News këtu http://bit.ly/1s5j7UT<br />Saimir Tahiri ka dorëzuar në Prokurorinë e Krimeve të Rënda dokumente shtesë në lidhje me dosjen ku është i akuzuar si pjesë e grupit Habilaj. Jo zyrtarisht mësohet se dokumenti është një vendim i autoriteteve italiane për pushimin e hetimeve ndaj ish-Ministrit. Pas daljes nga Prokuroria, Tahiri tha se do te japë sqarime në ditët në vijim dërsa nuk i trembej faktit se mund të merrej i pandehur. <br />Ish-Ministri i Brendshëm, Saimir Tahiri, u paraqit të hënën në Prokurorinë e Krimeve të Rënda, bashkë me avokatin e tij, Maks Haxhia. <br />Me kërkesën e tij Tahiri ka dorëzuar dokumenta shtesë në lidhje me dosjen ku është i akuzuar për bashkëpunim me grupin e vëllezërve Habilaj. <br />Pas daljes nga Prokuroria, Tahiri tha se prova që ka dorëzuar është deçizive për hetimin, ndësa sqaroi se nuk i frikësohej faktit se mund të merrej i pandehur. <br />Saimir Tahiri: Paraqita diçka që ka rëndësi deçizive për procesin. Do flas pas dy tre ditësh konkretisht. Dorëzova një provë që quhet deçizive. Prisni dy tre ditë do e dëgjoni.<br /><br />Pyetje: A keni frikë se do merreni si i pandehur?<br /><br />Saimir Tahiri: Nuk kam frikë. Kërkoj mirëkuptimin tuaj. Kam mbi një vit që dëgjoj pafundësisht dhe kam heshtur prisni dhe dy- tre ditë.<br /><br />Por veprimi i ish-Ministrit është komentuar nga Partia Demokratike. Në një dalje për mediat, Edi Paloka, tha se ky është një skenar i Edi Ramës për të mbyllur dosjen.<br /><br />Edi Paloka: Kjo është alibia që Edi Rama i dha Saimir Tahirit dhe pas së cilës fshihet presioni që po i bëhet prokurorisë për të mbyllur çështjen. Dorëzimi i gjoja provave të reja nga Saimir Tahiri është pjesë e skenarit të Edi Ramës për të përgatitur opinionin publik për mbylljen e çështjes së Saimir Tahirit. Këtë që ka bërë sot Saimir Tahiri, e ka paralajmëruar Edi Rama më 16 tetor, kur njoftoi se cili do të jëtë fati i dosjes ?Tahiri?.<br /><br />Përsa kohë Edi Rama të jetë kryeministër, kryeprokuror dhe kryegjykatës, prokuroria do të vulosë vendimet e marra në zyrën e Edi Ramës. Garantojmë Arta Markun, Donika Prelën dhe çdo prokuror që bëhet mburojë e pushtetarëve të lidhur me krimin të organizuar, se dita e drejtësisë do të vijë edhe për ta. Arta Marku dhe Donika Prela nuk do të shpëtojnë dot nga përballja me drejtësinë as Saimir Tahirin, as Fatmir e Agron Xhafën, as Vangjush Dakon, as Taulant Ballën e aq më pak Edi Ramën. <br /><br />Jo zyrtarisht, mësohet se Tahiri ka dorëzuar në zarf një vendim të autoriteteve italiane të drejtësisë që kanë pushuar hetimet ndaj tij.<br /><br />Ndërkohë me kërkesë të Prokurorisë shqiptare, Gjykata e Krimeve të Rënda ka shtyrë me tre muaj hetimet për ish-Ministrin e Brendshëm. <br />Për më shumë lexoni në: <br />http://oranews.tv/article/saimir-tahiri-do-te-paraqitet-sot-ne-mesdite-ne-prokurorine-e-krimeve-te-renda
