Subscribe në Ora News këtu http://bit.ly/1s5j7UT<br />Javën e ardhshme delegacioni i Bashkimit Europian në Tiranë pret që parlamenti të finalizoje punën për reformën zgjedhore. Këtë deklaratë e bëri ambasadori, Luigi, Soreca i cili kërkoi gjithashtu nga qeveria të vijojë luftën ndaj krimit si kusht për negociatat qershorin e ardhshëm. Në konferencën për transparencën mbi përfituesit e fshehur, drejtori për sundimin e ligjit në këshillin e Europës, Kristos Jakumopulos, kërkoi luftë ndaj këtij fenomeni, i cili është në rritje në gjithë Europën.<br /><br />Ambasadori i bashkimit Europian në Tiranë, Luigi Soreca, është optimist se javën e ardhshme Komisioni parlamentar do të përfundojë punën për reformën zgjedhore dhe ta votojë në Kuvend. <br /><br />Kjo do të thotë se opozita sipas Sorekës, duhet të kthehet në Kuvend dhe të përfundojë këtë proces.<br /><br />Soreca: Ne jemi shumë të kënaqur nga puna e bërë nga komisiomni i reformës zgjedhore, me asistencë nga ekspertët ndërkombëtarë me një dialog ndërpartiak shumë pozitiv. Kjo duhet të finalizohet në parlament, me punën e përbashkët të të dy krahëve. Në jemi shpresëplotë se gjatë javës tjetër, komisioni i reformës zgjedhore do të rinisë punën dhe të votojë këtë reformë.<br /><br />Në konferencën për transparencën e përfituesve në kuadër të pronarëve të fshehur pas palëve të treta, Soreca përshëndeti aksionin e policisë për goditjen e krimit dhe korrupsionit, por kërkoi më shumë veprim si kusht që negociatat vitin e ardhshëm të happen.<br /><br />Soreca: Në mbështesin planin e qeverisë që ka miratuar një plan aksioni për të luftuar pastrimin e parave, për t'iu përgjigjur kërkesave të komunitetit ndërkombëtar. Tani është koha për veprim. Nevojitet rezultat konkret, nevojitet të vazhdohet në rrugën e rëndësishme të reformës në drejtësi. Duhet të ngrejëm institucionet që kërkon kushtetuta.<br /><br />I pranishëm ishte dhe Drejtori për sundimin e ligjit në Këshillin e Evropës, Kristos Jakumopulos, i cili u shpreh se ky fenomen është në rritje dhe për ta luftuar atë duhet një punë e koordinuar mes të gjitha palëve.<br /><br />Për më shumë lexoni në: http://oranews.tv/article/be-pret-reformen-zgjedhore-soreca-shpreseplote-se-javen-tjeter-do-votohet-reforma
