Subscribe në Ora News këtu http://bit.ly/1s5j7UT<br />Institucionet e drejtësisë, Kryeministria dhe ushtria do të marrin më shumë fonde për vitin 2019. Sipas tabelës së buxhetit konstatohet se më pak fonde do të ketë për Ministrinë e Infrastrukturës dhe të bujqësisë. Ndërkohë përsa i përket numrit të punonjësve shkurtime parashikohen në Ministrinë e Bujqësisë dhe rritje në institucionet e drejtësisë.<br /><br />Buxheti i vitit 2019 do të jetë me shkurtime fondesh për një sërë ministrish. Ndërsa rritje parashikohet të ketë për institucionet e drejtësisë por edhe ushtrisë.<br /><br />Sa i përket Presidencës, fondet e akorduara do të jenë të njëjta me vitin që lamë pas teksa me rreth 45 mijë lekë i shkurtohen Kuvendit dhe i shtohen Kryeministrisë.<br /><br />Bujqësia dhe infrastruktura po ashtu do të preken nga shkurtime ashtu si edhe financat.<br /><br />Ndërsa Ministria e Kulturës dhe e Shëndetësisë do të kenë një shtesë përkatësisht me 100 mijë dhe 700 mijë lekë.<br /><br />Sa i përket Ministrisë së Drejtësisë rritja parashikohet me 2 milionë lekë dhe po aq edhe mbrojtja.<br /><br />Por edhe Prokuroria e Përgjithshme do të ketë një shtesë në fond me 100 mijë lekë.<br /><br />Gjatë viti të ardhshëm në buxhet parashikohen 269 punonjës më shumë, të cilët do ti shtohen administratës shtetërore.<br /><br />Sa i përket punonjësve, presidenti Ilir Meta dhe kryetarii i Kuvendit Ruçi do të kenë të njëjtin staf.<br /><br />Teksa Kryeministria pritet të ketë një shtesë me 6 pozicione të reja.<br /><br />Shkurimet më të mëdha parashikohen në stafin e Ministrisë së Bujqësisë me 89 vetë, te Infrastruktura me 48, Shëndetësia me 30, Financat 15 dhe Turizmi me 36 më pak. <br /><br />Për më shumë lexoni në: http://www.oranews.tv/article/ulen-shpnezimet-e-ministrive-rritje-fondesh-prokurorine-drejtesine-dhe-ushtrine
