Qeveria miratoi vendimin i cili ndalon tregtimin e pijeve alkoolike për të rinjtë nën moshën 18 vjeç, ndërsa sëbashku me këtë masë kërkon që baret të mos pranojnë fëmijët nën këtë moshë orëve të mësimit.<br /><br />Pas mbledhjes së Këshillit të Ministrave në Kukës, kreu i saj Edi Rama tha se masat ndëshkuese do të jenë të rënda, deri në mbylljen me 1 vit të lokalit dhe moslejimin e dhënies së tij me qira.<br /><br />Edi Rama tha se bashkimi doganor me Kosovën është vonuar për shkak të Prishtinës ndërsa pranoi idenë e krijimit të një pike doganore të përbashkët me Serbinë.<br /><br />Për kryeministrin, ndërtimi i stadiumit të ri të Kukësit sipas standardeve të UEFA-s dhe vënia në punë e aeroportit pritet të sjellë zhvillim të madh për zonën.<br /><br />Më herët kryeministri vizitoi një pistë skish në Shishtavec te Kukësit e cila do të hapet së shpejti për turistët. 2 vëllezër nga ky fshat sëbashku me disa investitor sllovenë kane një projekt që ka marrë dhe mbështetjen e qeverisë.<br /><br />Kryeministri ishte në Shishtavec si pjesë e një turi 2-ditor në qarkun e Kukësit.<br /><br />Tv Klan
