Subscribe në Ora News këtu http://bit.ly/1s5j7UT<br />Bashkia e Tiranës i është rikthyer mbjelljeve ndërkohë që ambientalistët vënë në pikëpyetje funksionin dhe eficiencën e tyre. Nisja e fushatës nuk ka ndihmuar në parandalimin e përmbytjeve apo erozionit por duket se ka nxitur shkaktimin e alergjive.<br /><br />Romeo Hanxhari: "Gara statistikore që këtë vit (vitin që shkoi) mbolla do të mbjell 150- 170 më duket e tepërt. Nuk shikoj një plan që të hartohet gjithë vitin, se cilat janë zonat në të cilat duhet ndërhyrë."<br /><br />Ambientalisti Romeo Hanxhari thotë se në lumin e Lanës kanë munguar mbjelljet e pemëve çka bën që në të shumtën e rasteve ky lum të sjellë përmbytje duke dalë nga shtrati.<br /><br />Romeo Hanxhari: Lana është shndërruar në një lum të urbanizuar. Në të gjithë pellgun e vet ka ndërtim. Kjo e devijon vektorin e lëvizjes së ujit nga nëntokësore në sipërfaqësore. Kjo është arsyeja që kemi përmbytje në zonën e Pallatit me Shigjeta"<br /><br />Këtij shqetësimi iu përgjigj Blendi Goxhaj, kreu i agjencisë së parqeve dhe rekreacionit.<br /><br />"Nuk di të ketë ndonjë vend që pemët të kenë sjellë një problem. Kemi shumë pemë të vjetra që janë në akse kryesore rurale, dhe me bërjen e autostradave këto akse kanë kaluar në rrugë dytësore dhe kanë probleme të mëdha sigurie për njerëzit, si Petrela, Mulleti ku duhet të ndërhyjmë dhe rinovojmë"<br /><br />Pemët që bashkia ka mbjellë janë kryesisht në parqe dhe liqene artificiale duke i hequr kryeqytetit mundësinë e pastrimit të ajrit të ndotur nga betonizimi dhe automjet e shumta në qarkullim.<br /><br />Tirana kryeson listën e qyteteve me ajrin më të ndotur në Shqipëri ndërkohë kjo çështje është një shqetësim i vazhdueshëm për KE.<br /><br />Ekspertët shprehin shqetësim dhe për llojin e pemëve të mbjella pasi shumë prej tyre shkaktojnë alergji tek njerëzit.<br />Për më shumë lexoni në: <br />http://www.oranews.tv/article/tirana-pemet-alergjite-dhe-pse-permbytet-gjithmone-tek-pallati-me-shigjeta
