VLORË- Dy makina janë përfshirë nga flakët në orët e para të mëngjesit të sotëm në Vlorë. Ngjarja ka ndodhur pranë një lokali në rrugën e tregut mbas shkollës 24 Maji.<br /><br />Në vendngjarje kanë mbërritur forcat policore, të cilat nga kqyrja paraprake dyshojnë se njëra nga makinat, në pronësi të një gruaje, është djegur qëllimisht, ndërsa tjetra u dogj prej flakëve që kishin pushtuar të parën.<br /><br />Ende nuk dihen rrethanat e plota të ngjarjes dhe aryseja se përse i është vënë flaka makinës. <br /><br />Njoftimi i policisë: <br /><br />Vlorë <br /><br />Informacion paraprak<br /><br />Më datë 04.11.2018, në orën 04:05, në lagjen "Lef Sallata" në parkim në anë të rrugës ka marrë flakë automjeti tip "Volkswagen" në pronësi të një kompanie transporti por nën përdorimin e një shtetaseje, i cili është djegur plotësisht.<br /><br />Si rezultat i flakëve është djegur edhe një mjet tjetër ngjitur me të tip "Renault" në pronësi të shtetasit V.M, i cili është dëmtuar pjesërisht.<br /><br />Po kryhen hetimet për përcaktimim e shkakut të rënies së zjarrit.
